SuperDizionari

ingropâ v.tr.
(in-gro-pâ)

Zirâ e strenzi une o plui cuardis, o fîi o altri, in maniere che a restin leadis

esempi

"Rosute e veve za ingropât sot il barbuç il façolet a rosis"

da "La aghe da pît la cleve" di Dino Virgili

"al ingrope il cjaveç insom vie dal argagn"

da "Par colpe di un massalâr carulât" di Osiride Secco dai Juris

ingropâ v.tr.
(in-gro-pâ)

Fâ che alc al formi grops, gredeis intor di se stes o intor di alc

sinonimi

imberdeâ, berdeâ, ingredeâ, gredeâ, imbroiâ

esempi

"tu âs ingropât dut il spali, sturnel, cjale ce che tu âs cumbinât"

da "La salamandrie tal fûc" di Carlo Tolazzi

"e scjasse i cjavei, lustris come il svolâ dal mierli, ancje se riçots di ingropâ cualsisei pietin"

da "B123ST" di Raffaele Serafini

ingropâ v.tr.
(in-gro-pâ)

Fâ che alc al deventi plui complicât, che al fasi fadie a lâ indevant, a funzionâ e v.i. (fig.)

sinonimi

incrosâ, ingredeâ, imberdeâ, imbroiâ, intrigâ, gredeâ, berdeâ, complicâ

esempi

"baste pensâ al probleme des barieris architetonichis che al ingrope la vite di ogni dì par chei che e àn cualchi probleme a movisi"

da "Presentazion Strolic furlan 2012" di Bruno Pizzul

ingropâ v.tr.
(in-gro-pâ)

Fâ vignî comozion, emozion che e pues fâ vaî (fig.)

sinonimi

comovi, dulinciâ, indulinciâ, ingusî, scossâ

esempi

"e ven fûr in dute la sô penzece, la sô vicende umane, scuasi une autoanalisi, che e ingrope pe scletece di ciertis confessions"

da "Antoni Beline, La fabriche dai predis, Zirà 1999" di Laurin Zuan Nardin

"mi à fat un discors che mi à fintremai ingropât il cûr"

da "Lis predicjis dal muini" di Josef Marchet

monolingue