SuperDizionari

ingropât adi.
(in-gro-pât)

Strent o leât cuntun grop o cun plui grops

esempi

"su la taule al veve poiât un façolet ingropât in cuatri, plen di robe"

da "Chei di Muraie" di Pieri Menis

ingropât adi.
(in-gro-pât)

Dificil di capî, di fâ, di risolvi e v.i. (fig.)

sinonimi

complès, complicât, imberdeât, incrosât, ingredeât, intrigât, involuçât, imbroiât

esempi

"i fats ator di cheste discuvierte sientifiche a son un tic plui ingropâts"

da "La discuvierte dai antibiotics" di Romano Locci

"la piture [furlane dal Sîscent] e denunzie, invezit, une articolazion une vore ingropade, un ingredei variât, che no simpri e riflet i modei dal Venit"

da "Storie de art in Friûl" di Bepi Agostinis

ingropât adi.
(in-gro-pât)

Che al à difiets e impediments, che al lavore, che al funzione e v.i. cun dificoltât (fig.)

esempi

"cun chês mans dutis ingropadis, il lavôr si imbardeava"

da "I cjars dai lens" di Anna Bombig

"e cirive cun biele maniere di disleâ chel cerviel ingropât"

da "Chel svampît di 'Sefut" di Maria Forte

ingropât adi.
(in-gro-pât)

Che al mostre emozion, comozion, displasê, che al è dongje di vaî (fig.)

esempi

"salacor al voleve dî alc, ma al voltà la muse in bande, ingropât"

da "La aghe da pît la cleve" di Dino Virgili

"jo e la mê femine si cjalìn, il cûr lu vin ingropât, e o tasìn parcè che se no dai voi lustris nus sarès vignude jù une lagrime"

da "Fieste in famee" di Pieri Somede dai Marcs

monolingue