SuperDizionari

ingropât adi.
(in-gro-pât)

Strent o leât cuntun grop o cun plui grops

esemplis

"su la taule al veve poiât un façolet ingropât in cuatri, plen di robe"

gjavât fûr di "Chei di Muraie" di Pieri Menis

ingropât adi.
(in-gro-pât)

Dificil di capî, di fâ, di risolvi e v.i. (fig.)

sinonims

complès, complicât, imberdeât, incrosât, ingredeât, intrigât, involuçât, imbroiât

esemplis

"i fats ator di cheste discuvierte sientifiche a son un tic plui ingropâts"

gjavât fûr di "La discuvierte dai antibiotics" di Romano Locci

"la piture [furlane dal Sîscent] e denunzie, invezit, une articolazion une vore ingropade, un ingredei variât, che no simpri e riflet i modei dal Venit"

gjavât fûr di "Storie de art in Friûl" di Bepi Agostinis

ingropât adi.
(in-gro-pât)

Che al à difiets e impediments, che al lavore, che al funzione e v.i. cun dificoltât (fig.)

esemplis

"cun chês mans dutis ingropadis, il lavôr si imbardeava"

gjavât fûr di "I cjars dai lens" di Anna Bombig

"e cirive cun biele maniere di disleâ chel cerviel ingropât"

gjavât fûr di "Chel svampît di 'Sefut" di Maria Forte

ingropât adi.
(in-gro-pât)

Che al mostre emozion, comozion, displasê, che al è dongje di vaî (fig.)

esemplis

"salacor al voleve dî alc, ma al voltà la muse in bande, ingropât"

gjavât fûr di "La aghe da pît la cleve" di Dino Virgili

"jo e la mê femine si cjalìn, il cûr lu vin ingropât, e o tasìn parcè che se no dai voi lustris nus sarès vignude jù une lagrime"

gjavât fûr di "Fieste in famee" di Pieri Somede dai Marcs

monolengâl