Hai cercato la parola
monolingue
Torna indietro

monolingue

inmò av.
(in-mò)
Fin in chest moment, fin in chel moment, par segnâ une continuitât dal passât
sinonimi
ancjemò
esempi
"su dôs cjasis dal borc inmò si viodin lapidis datadis 1493 che a fevelin di un Jacum di Pauli Pelôs"
da "Come tai romançs" di Alan Brusini
"lis trupis talianis a jerin scjampadis di buride, passant sul puint di Pinçan che al jere inmò in pîts e che al fo fat saltâ subit dopo par fermâ il nemì"
da "Il muc" di Roberto Ongaro
inmò av.
(in-mò)
Une altre volte tal futûr
sinonimi
di gnûf, une altre volte, ancjemò
esempi
"tu sês un tabaiot e guai se ti sint inmò a dî chês robis"
da "Il prossim" di Pieri Somede dai Marcs
inmò av.
(in-mò)
In determinazions di timp passadis, par segnâ un principi, un inizi
sinonimi
ancjemò, bielzà, benzà, za
esempi
"il guvier talian al à fate buine la European Charter for Regional and Minority Languages dal Consei di Europe (che e jere stade firmade inmò tal 2000) dome tal 2012"
da "Scuelis di cualitât e lenghis di minorance. Une riflession su la lenghe furlane intes scuelis" di Mario Dutto
inmò av.
(in-mò)
Une altre volte tal passât
sinonimi
za, bielzà, benzà, ancjemò
esempi
"Rose, che lu veve viodût inmò in cjase sô, insiemi cun so fi, i fasè biel acet e i metè fûr di bevi"
da "Il muc" di Roberto Ongaro
inmò av.
(in-mò)
Par une altre volte
sinonimi
di gnûf, ancjemò
esempi
"daspò di chê prime cognossince, Guido al tornà inmò e simpri plui da spes "
da "Cretevierte" di Roberto Ongaro
"dôs saetis a sgriarin inmò il cîl, a luparin la campagne e il cuc lontan de Cleve di une lûs stranie"
da "La aghe da pît la cleve" di Dino Virgili
inmò av.
(in-mò)
Par rinfuarçâ un comparatîf
sinonimi
ancje, parfin, fintremai, ancjemò
esempi
"tal scûr si cjatave a sei inmò plui bessôl "
da "La aghe da pît la cleve" di Dino Virgili
"dentri vie al jere pôc convint di chê vuere e inmò mancul di vincile"
da "Il muc" di Roberto Ongaro
inmò av.
(in-mò)
Par rinfuarçâ une cualsisei declarazion, par pandi maravee, indignazion e v.i.
sinonimi
ancjemò, dongje, sore, parsore, fintremai, adiriture, di prionte, in plui, di plui, cun di plui, ancjemò sore, ancjemò dongje
esempi
"rivât a disenûf agns, Bepo nol veve cognossût inmò che i boscs: taiâ i lens e fâ cjarbon"
da "Co une vôs e clame" di Pieri Somede dai Marcs
"e inmò e à il difiet di sei une grant biele femine"
da "I forescj" di Alan Brusini, Gian Paolo Linda
Torna in Cima