SuperDizionari

Torna indietro

monolingue

inneâsi v.pron.intr.
(in-ne-â-si)

Murî o copâsi par vie che no si rive a respirâ sot da la aghe o tun altri licuit

sinonimi

neâsi

esempi

"al navigave sul mâr cuant che une grant burascje lu à metût in pericul di inneâsi"

da "Viaç a Vignesie" di Arturo Feruglio

"si jere inneât Gurin par sei sbrissât su la glace e finît te Vuese"

da "Par stradis lungjis" di Alan Brusini

inneâsi v.pron.intr.
(in-ne-â-si)

Finî te aghe o tun altri licuit (fig.)

sinonimi

neâsi

esempi

"un aiar sirocôs al stacave dai lens lis ultimis fueis zalis che a balavin un lamp par aiar e po a colavin jù tal pantan o a lavin a inneâsi intune poce di aghe sporcje"

da "Sul agâr" di Pieri Menis

inneâsi v.pron.intr.
(in-ne-â-si)

Jentrâ o pierdisi ad in plen intune situazion, intune cundizion, materiâl o imateriâl (fig.)

sinonimi

neâsi, pierdisi, disfâsi

esempi

" ti veve cjalât cun doi voi che si podeve inneâsi dentri"

da "Contis sot spirt" di Raffaele Serafini

"al veve miôr lâ dilunc [...] intun mont là che decence e dignitât no vessin vût nissun pês; çoncjâ i leams dal rispiet di se, inneâsi biel avuâl intune sorte di ream di ombris"

da "Tal ospedâl" di Amedeo Giacomini

proverbi

"bisugne inneâsi tal mâr grant, no je nancje braùre a inneâsi intune tace di aghe"

"cui che no si jude si innee"

"i rîs a nassin ta la aghe, e àn di inneâsi tal vin"

"la cussience si è inneade te Tor"

"se si à di inneâsi, inneâsi ta la aghe grande"

"se si à di inneâsi, lâ simpri ta la aghe grande; no je nancje braùre a inneâsi intune tace di aghe"

"se si à di inneâsi, miôr tal mâr che no tal cjaldîr"

Torna in Cima