SuperDizionari

torne indaûr

monolengâl

inneâsi v.pron.intr.
(in-ne-â-si)

Murî o copâsi par vie che no si rive a respirâ sot da la aghe o tun altri licuit

sinonims

neâsi

esemplis

"al navigave sul mâr cuant che une grant burascje lu à metût in pericul di inneâsi"

gjavât fûr di "Viaç a Vignesie" di Arturo Feruglio

"si jere inneât Gurin par sei sbrissât su la glace e finît te Vuese"

gjavât fûr di "Par stradis lungjis" di Alan Brusini

inneâsi v.pron.intr.
(in-ne-â-si)

Finî te aghe o tun altri licuit (fig.)

sinonims

neâsi

esemplis

"un aiar sirocôs al stacave dai lens lis ultimis fueis zalis che a balavin un lamp par aiar e po a colavin jù tal pantan o a lavin a inneâsi intune poce di aghe sporcje"

gjavât fûr di "Sul agâr" di Pieri Menis

inneâsi v.pron.intr.
(in-ne-â-si)

Jentrâ o pierdisi ad in plen intune situazion, intune cundizion, materiâl o imateriâl (fig.)

sinonims

neâsi, pierdisi, disfâsi

esemplis

" ti veve cjalât cun doi voi che si podeve inneâsi dentri"

gjavât fûr di "Contis sot spirt" di Raffaele Serafini

"al veve miôr lâ dilunc [...] intun mont là che decence e dignitât no vessin vût nissun pês; çoncjâ i leams dal rispiet di se, inneâsi biel avuâl intune sorte di ream di ombris"

gjavât fûr di "Tal ospedâl" di Amedeo Giacomini

detulis

"bisugne inneâsi tal mâr grant, no je nancje braùre a inneâsi intune tace di aghe"

"cui che no si jude si innee"

"i rîs a nassin ta la aghe, e àn di inneâsi tal vin"

"la cussience si è inneade te Tor"

"se si à di inneâsi, inneâsi ta la aghe grande"

"se si à di inneâsi, lâ simpri ta la aghe grande; no je nancje braùre a inneâsi intune tace di aghe"

"se si à di inneâsi, miôr tal mâr che no tal cjaldîr"

torne sù