SuperDizionari

insome av.
(in-so-me)

Par introdusi o rimarcâ une conclusion o une sintesi o ancje dome par intercalâ

esemplis

"[...] un dio invidiôs / che al jôt un puest cussì biel / vert di prâts e di peçs / e a lu empla di rufians e bigots, / di sjiôrs e di pitocs, / insoma par fâla curta e dîla duta / a lu empla di comelianots"

gjavât fûr di "Ve Comelians, piçul borc" di Giorgio Ferigo

"a poderin tirâ sù, no us dirai une glesione, ma cussì... une glesiute, une capele, insome, come che.. come che... Mi capîso, compari?"

gjavât fûr di "Il Deu di Cjargne" di Luigi Gortani

"e cîr ogni pretest par cjatâsi cul so biel, par cjacarâi, par fâlu content, insome o sai ben jo"

gjavât fûr di "A passe la scalmane" di Anute Fabris

Viôt ancje: insume, in sumis

insome av.
(in-so-me)

Tant che rispueste o coment, par dî che alc al va plui o mancul ben

sinonims

avonde, plui o mancul, cussì, cussì po, cussì cussì

esemplis

""O soi stât a Tuieç". [...] "E i isal plasût?" "Insome, al è un biel paisot, la place il domo, lis buteghis""

gjavât fûr di "I forescj" di Alan Brusini, Gian Paolo Linda

insome av.
(in-so-me)

Tant che esclamazion, par pandi critiche, par riclamâ, cridâ e v.i.

sinonims

alore

esemplis

""Ma insome, parcè barufaiso in famee! E po, ise maniere di sberlâ chê!""

gjavât fûr di "Amîs come prime" di Alan Brusini

monolengâl