SuperDizionari

intardâsi v.pron.intr.
(in-tar-dâ-si)

Spietâ o fermâsi un ciert timp intun lûc o intune cierte situazion o compagnie, fin che al devente tart

sinonimi

fermâsi, intardivâsi, tardivâ, tardivâsi, intratignîsi, stâ in çancis

esempi

"si intardavin a contâ chê dal ors cul brigadîr, sot il lusôr dal cjanton"

da "La aghe da pît la cleve" di Dino Virgili

"Matie si jere intardât tal tinel a lei un gjornalut"

da "Sul agâr" di Pieri Menis

intardâsi v.pron.intr.
(in-tar-dâ-si)

Stâ avonde timp par fâ une ativitât, di maniere di no finîle o di finîle plui tart di ce che si spietavisi

sinonimi

fermâsi, intardivâsi, tardivâ, tardivâsi, intratignîsi, fâle lungje, slungjâle, tirâle indenant, slumbriâle

esempi

"al cirive un spali sul claut intant che Suntine e ingrampave la come dal sac e po ancje lui al cjapave la come e si intardave a leâ, par tignîi chês mans di vilût dentri des sôs mans"

da "Come tai romançs" di Dino Virgili

intardâsi v.pron.intr.
(in-tar-dâ-si)

Spietâ fin tart prime di tacâ alc

sinonimi

spietâ

esempi

"la messe le disarà aes nûf. Jo lu ai visât che al è dibant intardâsi a dî messe fin aes nûf, parcè che doman nol varà masse ce fâ in confessionari"

da "Lis predicjis dal muini" di Josef Marchet

"a voltis si intardavin ducj a mangjâ par spietâlu se al stave fûr plui dal ordenari, e a cjalavin l'orloi dome par lui"

da "Cjase di Dalban" di Maria Forte

monolingue