SuperDizionari

interpretazion s.f.
(in-ter-pre-ta-zi-on)

Il capî e sclarî ce che al vûl dî un test, un discors e sim.

esempi

"[Origjen] al lei la Biblie cirint di gjavâ fûr [...] il significât alegoric, chel spirituâl, iluminât dal Testament Gnûf. Lis sôs interpretazions [...] po dopo no saran acetadis dutis tant che ortodossis"

da "I mosaics de basiliche di Aquilee" di Giovanni Battauz, Flavio Cossar, Renato Iacumin

interpretazion s.f.
(in-ter-pre-ta-zi-on)

Il voltâ un messaç di un ciert codiç a un lengaç plui cognossût

sinonimi

decifrazion

esempi

"la interpretazion de lineâr A no je stade ancjemò pussibile"

interpretazion s.f.
(in-ter-pre-ta-zi-on)

Maniere subietive di intindi un fat, une situazion e v.i.

esempi

"il Rinassiment al rapresente un pont di riferiment fondamentâl, une vere rivoluzion pe interpretazion de realtât e pal comparî di une gnove vision dal mont"

da "La invenzion dal stât" di Fabian Ros

interpretazion s.f.
(in-ter-pre-ta-zi-on)

Maniere subietive di intindi e di rapresentâ, massime cu la art, une situazion, une dinamiche e v.i.

esempi

"la situazion storiche e sociâl dal Friûl dal secont dopovuere e cjate cussì [te poesie di Otmar Mainardis] une interpretazion insumiade, fonde, intuitive"

da "Otmar Mainardis" di Sandri Carrozzo

interpretazion s.f.
(in-ter-pre-ta-zi-on)

Maniere di recitâ un atôr

esempi

"straordenarie la interpretazion des dôs atoris protagonistis"

da "Il cine di Jordi Cadena" di Fabian Ros

interpretazion s.f.
(in-ter-pre-ta-zi-on)

Maniere di eseguî un toc di musiche

esempi

"un sunadôr di orchestre [...] nol pues permetisi di falâ note o la interpretazion dal diretôr"

da "Comunicâ la autonomie" di Sandri Di Suald

interpretazion s.f.
(in-ter-pre-ta-zi-on)

[TS] (sport) Inte gjinastiche e intal patinaç artistic, stîl doprât par eseguî un esercizi

monolingue