Hai cercato la parola
monolingue
Torna indietro

monolingue

intervent s.m.
(in-ter-vent)
L'intervignî, l'agjî intun event o intune situazion par mudâ la sô maniere di davuelzisi
sinonimi
azion, intervenzion, opare, partecipazion
esempi
"la part nordocidentâl de aree e sarà interessade dome di un intervent di restaur ambientâl"
da "Vie libare ae sistemazion ambientâl de ex gjave di là de Tor" di Marc Stolf
"inte suaze dai intervents de leç regjonâl n. 15 si previodeve di sburtâ lis trasmissions televisivis par furlan su lis rêts privadis"
da "Un Friûl difarent: i 90 mhz di Onde Furlane" di Max Mauro
"lis fuarcis dal ordin a àn scugnût fâ un altri intervent te istesse zone, dal moment che un trop di cinc zovinis [...] a vevin tacât a barufâsi"
da "Scurtissade fûr de discoteche" di Redazion il Diari
intervent s.m.
(in-ter-vent)
[TS] (sport) Tal balon, azion fate di un zuiadôr par cjapâ la bale
esempi
"lis primis ocasions a son dai ospits, cun Pellegrini che nol rive a tirâ in puarte in graciis di un intervent di Pereyra"
da "Udinese – Roma 0-1" di Marc Stolf
intervent s.m.
(in-ter-vent)
Il fevelâ par fâ savê informazions, opinions e v.i., massime intune ocasion formâl
esempi
"al è passât sù par jù un an di cuant che si vin cjatâts a Sant Lurinç par fevelâ di autoguvier, regjons, nazionalitâts e Europe. Il gno intervent di in chê volte al tocjave diviers argoments de atualitât dal moment"
da "Corsiche, Scozie, paîs Basc, Catalogne, Friûl... Europe" di Marc Stolf
"o podarès tacâ a tabaiâ ma no varès voie che il gno intervent al sedi inoportun"
da "La maree nere" di Checo Tam
intervent s.m.
(in-ter-vent)
[TS] (polit.) Partecipazion a un conflit
esempi
"la cussì clamade Republiche moldave dal Dniester, nassude tal 1990, e veve otignût la sô indipendence di fat intal 1992 dopo cuatri mês di conflit in gracie dal intervent massîf dal esercit rus"
da "Moldove: a cressin lis tensions tra filorumens e filorùs " di Carli Pup
intervent s.m.
(in-ter-vent)
[TS] (dir.civ.) Partecipazion intun procès di cui che al pense di vê un interès rilevant dal pont di viste juridic
intervent s.m.
(in-ter-vent)
[TS] (med.) Su di un malât, cualsisei azion che e vedi chê di gjavâ vie lis formis patologjichis par fâ tornâ normâl la funzionalitât dal cuarp
sinonimi
operazion
esempi
"prime dal intervent e ven fate, su la fonde dai risultâts dai esams clinics e di une radiografie particolâr, la planificazion preoperatorie"
da "Protesi di ombul" di AAVV
Torna in Cima