SuperDizionari

intese s.f.
(in-te-se)

Maniere di viodi o di frontâ une cuistion condividude di dôs o plui personis o sogjets

sinonims

acuardi, conciliazion, cunvigne, rangjade, compromès

esemplis

"no fasìn nancje vuere a nissun in particolâr, ma o invidìn i furlans a cjatâ une forme di intese parsore dai partîts pal ben dal Friûl"

gjavât fûr di "A chei che no àn ancjemò capît" di Josef Marchet

intese s.f.
(in-te-se)

Impegn concuardât di dôs o plui personis o sogjets

sinonims

compatât, conciert, cunvigne, pat, acuardi

esemplis

"prime che lis nazions interessadis a rivin a une intese definitive sul cont di Triest, al è ce spietâ"

gjavât fûr di "Sot di nissun" di Josef Marchet

intese s.f.
(in-te-se)

Armonie di elements, caratars, abitudins, azions e v.i.

sinonims

acuardi, armonie

esemplis

"lis crôs metalichis dal prin e i açalins dal secont, sunâts tant che a fossin struments musicâi, cu lis lôr risonancis a jentrin in intese perfete cu lis vibrazions des cuardis batudis dal piano"

gjavât fûr di "Il Disc Miniaturis" di Alessio Screm

monolengâl