SuperDizionari

intrigât adi.
(in-tri-gât)

Che al à robis che a intrighin, che no lassin passâ e v.i.

sinonims

imberdeât, ingredeât

esemplis

"vie, pes gleriis incandidis dal Tiliment e po sù, a sfuarçs, a slumbriâsi par sgjanôrs e trois intrigâts"

gjavât fûr di "Varc di confin" di Maria Forte

intrigât adi.
(in-tri-gât)

No clâr, no facil di capî, di fâ, di risolvi e v.i. (fig.)

sinonims

imberdeât, berdeât, ingredeât, gredeât, voluçât, involuçât, complicât, confusionât, incrosât, ingropât, imbroiât

esemplis

"a induvinâ il bon timp e la ploie al è un afâr intrigât, ma i cambiaments des lunis si po induvinâju, cuntun calcul di nuie"

gjavât fûr di "Preambul rusin" di Josef Marchet

"o vevi capît che la facende e jere masse intrigade par risolvile di autoritât e cun provis di fuarce"

gjavât fûr di "Memoriis di politiche linguistiche" di Adrian Cescje

intrigât adi.
(in-tri-gât)

Cjapât dentri intune situazion dificile (fig.)

sinonims

imberdeât, ingredeât, impedît, ingjambarât, impastoreât

esemplis

"ancje Tilde, pûr se di cuintrivoie, si cjatà intrigade inta cheste situazion"

gjavât fûr di "Trê feminis" di Gianni Gregoricchio

intrigât adi.
(in-tri-gât)

Che al è impegnât a fâ alc che nol pues jessi molât, che al domande concentrazion (fig.)

sinonims

cjapât, impegnât

esemplis

""No sâstu?" i rispuindè so copari Milio intrigadon a tignî pe cjavece une manze in calôr "il muini al sune par visâ lis feminis di puartâ la aghe in glesie""

gjavât fûr di "Resurezion a Pontinie" di Pieri Somede dai Marcs

intrigât adi.
(in-tri-gât)

Di cdn., che nol sa cemût movisi, cemût fâ alc, cemût compuartâsi (fig.)

sinonims

imbranât, imberdeât, ingredeât, leât, impedît

esemplis

"ogni tant mi clamave in sfide [di cui che si vistive plui svelt]. Al vinceve lui, ben si intint, che jo o jeri pitinine e intrigade"

gjavât fûr di "Trê feminis" di Gianni Gregoricchio

intrigât adi.
(in-tri-gât)

Che no si sint ben cun chei altris, che al à vergogne, sudizion e v.i.

sinonims

imberdeât, ingredeât, sudizionôs, vergognôs

esemplis

"cirotic scuasit al ultin fin, lu pronosticà il miedessut, biel fasint la liste di dutis lis medisinis che i veve ordenât, e esplicant, intrigât come un student sot esams, la reson des sôs sieltis"

gjavât fûr di "Tal ospedâl" di Amedeo Giacomini

"nol someave intrigât de presince dal zovin nancje un tic. Dut il contrari, al palesave un grant plasê di viodisal a cjase sô"

gjavât fûr di "Eivissa mon amour" di Fabian Ros

monolengâl