SuperDizionari

invît s.m.
(in-vît)

Propueste fate a cdn. di jessi ospit, di vignî in visite, a mangjâ, a une fieste e v.i. o a fâ alc insiemi

esempi

"camerade ven vie, ti fâs l'invît / mа pero, tu mi intints?, cu la parone / che sence je dut sarès dissavît"

da "I, 28" di Ermes di Colorêt

"cjapâ mil compliments e invîts a balâ"

da "Faliscjis" di Cristina Noacco

invît s.m.
(in-vît)

Esortazion a compuartâsi intune cierte maniere

sinonimi

racomandazion, esortazion, sburt

esempi

"chei esemplis, chês racomandazions, chei invîts, chei avîs, chei discors su la vanitât des cjossis dal mont, a àn creade une clime particolâr, a àn fats nassi pinsîrs che a disturbin…"

da "Otavari a Madone" di Meni Ucel

"il paternalistic invît a cjapâ sù i libris, a tornâ a scuele"

da "E parcè no une pidade tal cûl a Tolazzi?" di Graziano Urli

invît s.m.
(in-vît)

Element, aspiet biel, che al fâs buine voie, che al fâs desiderâ (fig.)

sinonimi

bielece

esempi

"la strade dal borc, cence plui invîts, si mostrave dissipade e strente tune maluserie che e veve cjapât la anime des robis"

da "Cjase di Dalban" di Maria Forte

monolingue