SuperDizionari

inviât adi.
(in-vi-ât)

Che al va di une cierte bande

esempi

"Jacum al jere bielzà sul cjar inviât viers la place"

da "Fradi dal plevan" di Angelo Covazzi

inviât adi.
(in-vi-ât)

Che al à vût inizi, che al è te prime fase

esempi

"o vevin un libri inviât, no finît, e cence plui prospetive di publicazion"

da "Memoriis di politiche linguistiche" di Adrian Cescje

inviât adi.
(in-vi-ât)

Che al va svelt

sinonimi

svelt, imburît

esempi

"e cirive di cjaminâ inviade, che, ancje, le sburtave il sbisieç dal stomi, ma lis mulis fruiadis a sbrissavin su la grave e no le lassavin spesseâ"

da "Cjase di Dalban" di Maria Forte

"sù pe strade al vignive sù un, cul pas inviât e la ande risolude"

da "La aghe da pît la cleve" di Dino Virgili

inviât s.m.
(in-vi-ât)

Persone mandade di une altre persone, di un ent, di une istituzion e v.i., cun funzions di rapresentance, corispondence e v.i.

esempi

"ricevi l'inviât consacrât [il vescul] che al sarà mestri e profete, grant predi e sorestant in Crist de glesie in Friûl"

da "Al gnûf Vescul" di Tonin Cjapielâr

monolingue