Tu âs cirût la peraule
monolengâl
torne indaûr

monolengâl

jemplâ v.tr.
(jem-plâ)
Fâ vignî plen,
sinonims
colmenâ, folcjâ, imbunî, implenâ, incolmâ, colmâ, infolcjâ
esemplis
"mi jemple la tace cul vin blanc strucjât da un butilion"
gjavât fûr di "I forescj" di Alan Brusini, Gian Paolo Linda
"[i soldâts di Atile] a jemplin i elms di tiere ta chel sît che cumò al sarès il Zardin Grant di Udin e a van a strucjâle sore dal piçul cuel"
gjavât fûr di "Il cjistiel di Udin" di Josef Cjargnel
Viôt ancje: empî, emplâ
jemplâ v.tr.
(jem-plâ)
Stâ just, o ancje un pôc strent, tun vistît
esemplis
"e jemplave cu la sô biele aste e la sô frescje zoventût i vistîts di regadin"
gjavât fûr di "Cjase di Dalban" di Maria Forte
jemplâ v.tr.
(jem-plâ)
Di tante int, ocupâ dut un spazi, un lûc e v.i.
sinonims
colmenâ, folcjâ, implenâ, stropâ
esemplis
"une sdrume di no crodi e jemplave place Sant Marc cui travistiments plui curiôs"
gjavât fûr di "Ombris tal infinît" di Carlo Sgorlon
jemplâ v.tr.
(jem-plâ)
Sparniçâsi intun lûc, spandisi intal aiar
sinonims
implenâ, invadi, stonfâ
esemplis
"[par vie di un incendi] un scjafoiaç di fum al jemple il cjast"
gjavât fûr di "No je plui vive" di Dolfo Zorzut
jemplâ v.tr.
(jem-plâ)
Spec. ass., saceâ
sinonims
replî, saceâ, sacomâ
esemplis
"buine la torte, ma penze, e jemple daurman"
jemplâ v.tr.
(jem-plâ)
Fâ mangjâ, spec. in grande cuantitât
sinonims
ingosâ, sbultricâ, sglonfâ
esemplis
"scrassons di umanitât che jê e jemplave di mignestre, polente e un tai di scjaveç. E lôr simpri contentons"
gjavât fûr di "Cjase di Dalban" di Maria Forte
jemplâ v.tr.
(jem-plâ)
Meti intun formulari lis informazions che a coventin
sinonims
compilâ, completâ
esemplis
"se tu sês interessât [al cors], jemple il modul di preiscrizion e tu vignarâs clamât a pene che al tache"
gjavât fûr di "Il sfuei di Tavagnà" di AAVV
jemplâ v.tr.
(jem-plâ)
Dî, fâ, dâ, mandâ tantis robis bielis, sedi materiâls che imateriâls (fig.)
sinonims
cuvierzi, imbunî, passi
esemplis
"jemplâ di bussadis"
"mi à emplât di favôrs "
gjavât fûr di "Pronostic del 1827" di Pieri Çorut
jemplâ v.tr.
(jem-plâ)
Dâ sensazions fuartis, che a pain (fig.)
sinonims
incolmâ
esemplis
"dutis chestis cjossis che sucedevin intor di lui, lu jemplavin di ligrie"
gjavât fûr di "La Madalene" di Zuan Lurinçon
jemplâ v.tr.
(jem-plâ)
Fâ che cdn., o un coletîf, o un marcjât o sim a sedin plens di alc di materiâl, tant che prodots, o imateriâl, tant che ideis, par vie de sô difusion (fig.)
sinonims
ingosâ, sbultricâ, sglonfâ
esemplis
"scancelâ de scuele la storie dal Friûl, jemplâ la int di iredentisim, di Sacri Confini della Patria, ancje se chei confins e jerin te tiere di altris popui"
gjavât fûr di "Ce che si à fat tai ultins 5 agns e ce che si propon pai 5 a vignî" di Diego Navarria
jemplâ v.tr.
(jem-plâ)
Dominâ cu la proprie presince, cu la proprie personalitât (fig.)
esemplis
"e someave a cjase sô, Mafalde, che e jemplave cu la sô bardele e cu la sô figure dute la cusine"
gjavât fûr di "Trê feminis" di Gianni Gregoricchio
jemplâ v.tr.
(jem-plâ)
Meti incinte (fig.)
esemplis
"le à emplade e po le à plantade"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"viodintle cu la frute, di sigûr cualchidun al varà dite, fasint ridi ducj: «Pieri a ‘nd à jemplade une altre»"
gjavât fûr di "Delit in vie del Lavoro" di Igor Londero
detulis
"cu lis bielis peraulis no si jemple la panze"
"cu lis cjacaris no si jemple i budiei"
"cu lis cjacaris no si jemple la panze"
"cui che al sofle te cinise si jemple i voi"
"Diu nus vuardi di un bon Zenâr par podê jemplâ il granâr"
"il biel e il bon a jemplin la bocje"
"il mês di Jugn si jemple il pugn"
"metimi râr se tu vûs che ti jempli il granâr"
"nol è mai un brâf miedi fin che nol jemple il cimitieri"
"o di paie o di fen bisugne che si jempli il magazen"
"o di stranc o di fen baste che si jempli il magazen"
"pôc e spes al jemple la borse"
"sorc râr al jemple il granâr"
"sorc râr al jemple il granâr, sorc fis al impuarìs"
"sut di Zenâr al jemple il granâr"
torne sù