Hai cercato la parola
monolingue
Torna indietro

monolingue

jentrâ v.intr.
(jen-trâ)
Passâ dal fûr al dentri
sinonimi
lâ dentri, vignî dentri
esempi
"subit lu fasevin jentrâ in cusine, a fasevin vulintîr cuatri cjacaris cun lui"
da "Fra Silvio" di Pieri Somede dai Marcs
"un ventesel zentîl al jentre te cjamare"
da "Viaç a Vignesie" di Arturo Feruglio
"il pic a ogni colp nol jentre plui insot di un dêt"
da "Storie di Min" di Ivano Urli
"Cualchidun al veve tucât te puarte. «Che al jentri!...» a disin ducj i doi e la puarte si vierç planchin planchin"
da "Sflamiadis" di Pieri Menis
Vedi anche: entrâ
jentrâ v.intr.
(jen-trâ)
Di sensazion fisiche o psicologjiche, fâsi sintî ben insot (fig.)
sinonimi
lâ indentri, lâ insot
esempi
"chel frêt sutîl che al jentrave par dutis lis comissuris"
da "Il «pigjama»" di Pieri Menis
"incens brusât che al spandeve ancjemò chel so profum cussì vîf e gradevul, che al jentrave fin ta la anime"
da "Chei di Muraie" di Pieri Menis
jentrâ v.intr.
(jen-trâ)
Rivâ a stâ o a passâ intun ciert spazi
sinonimi
stâ dentri, stâ
esempi
"o ai metût sù cualchi chilo e no jentri plui tai bregons"
jentrâ v.intr.
(jen-trâ)
Scomençâ a jessi intune cierte dade di timp
esempi
"chest an che o sin jentrâts, par ben che e vadi, al lassarà chel timp che al à cjatât"
da "Preambul rusin" di Josef Marchet
jentrâ v.intr.
(jen-trâ)
Deventâ membri di un grup
esempi
"gno pari mi à dit che e jere rivade la ore di jentrâ tal Club dal Fogolâr"
da "Interviste a Sandra Pizzolitto Pupatello" di Christian Romanin
jentrâ v.intr.
(jen-trâ)
Lâ a fâ un percors di istruzion o un tratament terapeutic, spec. lunc, ancje intune struture dulà che a tegnin a stâ
sinonimi
lâ, lâ dentri
esempi
"il prossim Autun Pinute e veve di jentrâ in colegjo"
da "Chei di Muraie" di Pieri Menis
"il timp al passave, e jere tornade la ore di jentrâ in seminari"
da "Par stradis lungjis" di Alan Brusini
"al jere jentrât tal ospedâl che a semenavin il sorc, e al jere saltât fûr, poiât ae cruchie, che a sclofavin"
da "Cjase di Dalban" di Maria Forte
jentrâ v.intr.
(jen-trâ)
Cjatâsi, lâ intune cundizion gnove
sinonimi
lâ
esempi
"doi mês dopo la Italie e jentrà in vuere"
da "Trê feminis" di Gianni Gregoricchio
jentrâ v.intr.
(jen-trâ)
Metisi intune cierte situazion, intun ciert rapuart cun chei altris
esempi
"il popul al à conservât il so furlan; al è jentrât in relazions economichis e culturâls cun altre int, ma nol à rinunziât ae sô lenghe"
da "La fuarce dal nestri lengaç" di Josef Marchet
"cul plui lâ des zornadis la femine dal siôr e jentrà in confidence cun Catine"
da "Trê feminis" di Gianni Gregoricchio
jentrâ v.intr.
(jen-trâ)
Jessi implicât e influî intune situazion, intune ativitât e v.i.
esempi
"[ae nobiltât] i bastave di ricevi il redit che i vignive dai contrats agraris cui contadins, cence impegn di invistiment, cence jentrâ te forme produtive"
da "Liniis di storie sociâl e economiche dal Friûl 1500 – 1800" di Adrian Cescje
"une concretece che e jentre tal mût di fâ gjornalisim"
da "Interviste a Toni Capuozzo" di Oscar Puntel
jentrâ v.intr.
(jen-trâ)
Vê a ce fâ cun alc
esempi
"«E ce jentrial il confin [cu la patrie]!» al rispuint Agnul. «Di cuant incà si puedial dividi lis patriis cuntune stangje! I confins a servissin par dividi lis aministrazions, ven a stâi i stâts, no lis patriis»"
da "I furlans e la patrie" di Riedo Pup
jentrâ v.intr.
(jen-trâ)
Jessi capît, acetât, plasê
esempi
"al saveve ancje lui che nol jere il câs di tentâ di vuarîlu [il purcit cul mâl rossin], ma chê di copâlu e di soterâlu tal bosc no i jentrave"
da "A marcjât" di Meni Ucel
jentrâ v.intr.
(jen-trâ)
Di bêçs, jessi vuadagnâts o scuedûts
sinonimi
rivâ
esempi
"tant che compens par cheste funzion, al cjapitani i spietavin i bêçs che a jentravin midiant des penis pecuniariis previodudis dai statûts"
da "Statûts di Montenârs 1373" di Alida Londero
jentrâ v.intr.
(jen-trâ)
[TS] (sport) Tal balon, rivâ a realizâ un intervent cuintri l'aversari che al à il balon (ancje ass.)
sinonimi
intervignî
esempi
""Domenie al tache il campionât: ce crodêso, di jentrâ cussì? Miarde: i vûl jentrât decîs, i vûl! No chel tic e tic, caz: vêso pôre di fâsi mâl? [...]""
da "Donald dal Tiliment" di Stiefin Morat
jentrâ v.intr.
(jen-trâ)
[TS] (autom.) Dal mecanisim de marcje
esempi
"frache ben la frizion, se no la marcje no jentre"
proverbi
"a puarton spalancât il ben al po jentrâ e il mâl al po lâ"
"a Sant Zuan al jentre il most te ue"
"a tignî la bocje sierade, no jentrin lis moscjis"
"al è dibant segnâsi cuant che il diaul al è jentrât"
"cuant che no si po jentrâ pal porton, si jentre pal portel"
"cui che al jentre ultin che al sieri la puarte"
"i gjambars a son bogns in chel mês che al jentre l'ere"
"la caritât a va fûr pal porton e e jentre pal barcon"
"no stâ jentrâ là che no tu sês clamât"
"nol è nissun matrimoni che nol jentri il demoni"
"se no tu sês clamât, no stâ jentrâ"
Torna in Cima