SuperDizionari

jevât adi.
(je-vât)

Tirât sù, tignût sù, tignût alt

sinonimi

alçât, dreçât, tirât sù, sù, dret, alt

esempi

"une pontute di supierbie, cul cerneli jevât e il stomi infûr"

da "La aghe da pît la cleve" di Dino Virgili

"ciuladis di pôre, voi fûr dal cjâf, mans jevadis adalt o strentis une cu la altre come par preâ"

da "Ricuarts e inlusions" di Enrico Martina

jevât adi.
(je-vât)

Che al è cressût di volum par vie de fermentazion

sinonimi

sglonf, sglonfât, cressût

esempi

"dolçs fats di paste no jevade"

da "La gubane, o ben la fortune di jessi la puarte de Europe orientâl" di Sandri Carrozzo

"[la fuiace] e jere colôr di aur, jevade come un fonc e cuete che e faseve la biele voie"

da "La fuiace de Madone" di Catarine Percude

jevât adi.
(je-vât)

Sveât e tirât sù dal jet

sinonimi

sù, impins, in pîts, sveât, dismot

esempi

" siore, ce vuelie che o sepi, jo. O soi a pene jevât"

da "I forescj" di Alan Brusini, Gian Paolo Linda

jevât s.m.
(je-vât)

Pont cardinâl che al corispuint ae direzion di là che al jeve il soreli

sinonimi

orient, soreli jevât, Est

esempi

"Eco che il firmament / si fodre intun moment / di nûi e sorenûi / [...] / A tramontan l'è scûr... / [...] / E là a jevât ce neri!... "

da "La tempieste" di Pieri Çorut

monolingue