Tu âs cirût la peraule
monolengâl
torne indaûr

monolengâl

là av.
In proposizions interogativis diretis e indiretis o in proposizions esclamativis, in ce lûc
sinonims
dulà
esemplis
"«E là vâstu cumò?», i domande la femine cuant che e rive a lâi dongje"
gjavât fûr di "La vacje" di Meni Ucel
"«In chest timp, là vûstu lâ? Li di Gjin, ve», i rispuint"
gjavât fûr di "Il salam" di Meni Ucel
là av.
Intun lûc lontan o no tant dongje di cui che al fevele
sinonims
culà, culà vie, là vie, lenti, li, venti, venti là
esemplis
"Viodêso là la barcje?"
gjavât fûr di "Lis âfs" di Catarine Percude
"«Compari Nane mi ja puartât uê di matina chiscj cuatri lens, disè la femina, e chel fregul di farina che l'è là nel cjanton»"
gjavât fûr di "Il me paîs" di Federigo Comelli
"e là four dal nuestri cjamp / spes jo me cjat un biel infant"
gjavât fûr di "Sonet furlan" di Anonim
là av.
Cun valôr vocatîf par cdn. che al è caraterizât dal fat di jessi intun lûc diviers di cui che al fevele, ancje se al pues jessi no tant lontan
esemplis
""Viva là, vuardiis çambarlanis!""
gjavât fûr di "Strumîrs e çambarlans" di Alviero Negro
là av.
Intun moment, intune situazion, intune cundizion che si capissin dal contest
sinonims
alore, li
esemplis
"tirant il campanel a rivin lis camarelis, e là dut un netâ e smondeâ"
gjavât fûr di "Chê de principine" di Andreina Nicoloso Ciceri
là av.
Ancje dome cun valôr enfatic
sinonims
culà, culà vie, là vie, li
esemplis
"propit in chest an - cjale là! - par trê martars di cheste Glesie di Aquilee, Canzian, Canziane e Canzianile, ti àn cjatât che i vues [...]"
gjavât fûr di "La Glesie universâl, cence lis Glesiis particolârs, e je un Glesie cence muse" di Francesc Placerean
là av., inter.
Par esprimi che alc al è une conclusion, une consecuence, un efiet positîf, o ancje dome par dâ fuarce ae espression (enf.)
sinonims
ve, cjo
esemplis
"slargjaitsi un pôc là sù, tiraitsi dongje un pôc ca jù… oh là, cussì va ben…"
gjavât fûr di "Ce sdrumade" di Pieri Somede dai Marcs
"la golarine bisugne metile drete; e i bragons bisugne imbotonâju ben, nô un boton si e doi no. [...] Là, cumò tu paris un cristian!"
gjavât fûr di "A ogni cost" di Vittorio Vittorello
detulis
"cuant che si crôt di là un pas indenant, si va doi indaûr"
"la cjase là che ducj lavore no va in malore"
torne sù