Tu âs cirût la peraule
monolengâl
torne indaûr

monolengâl

lâ daûr loc.v.
Movisi dopo di alc o di cdn.
sinonims
vignî daûr, tignî daûr
esemplis
"al preave Menut di Anzule Miot di puartâi la cjadreute fin su la jentrade de Androne e cjaminant come impicotît sul so baston [...] i lave daûr ben planchin"
gjavât fûr di "Il Bide di Miot" di Maria Forte
lâ daûr loc.v.
Cirî di rivâ li di cdn. o di alc in moviment, ancje cun chê di cjapâlu
sinonims
cori daûr, tignî daûr
esemplis
"corii daûr a pît? No, miôr meti in moto e lâi daûr in machine"
gjavât fûr di "Il cop" di Laurin Zuan Nardin
lâ daûr loc.v.
Jessi o movisi cun cdn. o cun alc, cun sens di dipendence, di subordinazion e v.i.
sinonims
vignî daûr
esemplis
"chês âfs che, cuant che a vevin chê di fâ une altre famee, a bandonavin il bôç par lâi daûr a une gnove regjine"
gjavât fûr di "Lis âfs di Min" di Alviero Negro
lâ daûr loc.v.
Compagnâ, ancje no cuntun moviment tal spazi, ma cuntun compuartament, cuntune azion
sinonims
stâ daûr, tignî daûr, vignî daûr
esemplis
"a vevin scomençât a cjantuçâ e chel de armoniche ur lave daûr cul strument e cu la vôs"
gjavât fûr di "Îr e doman" di Gianni Gregoricchio
lâ daûr loc.v.
Tignî i voi, la cjalade, o un altri orghin sensoriâl e v.i. su alc o su cdn. in moviment o in evoluzion
sinonims
tignî daûr, stâ daûr
esemplis
"mi domandà il canocjâl par lâ daûr il svol di doi falcuçs"
gjavât fûr di "Il dolfin" di Carlo Sgorlon
"la sô orele, che e sint simpri ben, i va daûr al sunôr de sirene"
gjavât fûr di "Cuant che l'Istât al finìs - Ogni etât la sô maravee" di Gianluca Franco
lâ daûr loc.v.
Tignî la atenzion centrade su alc, soredut suntun discors, suntun resonament, e rivâ a capîlu
sinonims
stâ daûr, tignî daûr
esemplis
"e cjalave ducj chei altris che a lavin daûr de Messe, che a someavin atents e convints"
gjavât fûr di "Fûr di timp" di Jolanda Mazzon
"Eliseo al lave daûr dal discors cun fadie parcè che al pensave a altris robis"
gjavât fûr di "Prime di sere" di Carlo Sgorlon
lâ daûr loc.v.
Vê un interès sentimentâl o sessuâl par cdn. e cirî di plasêi
sinonims
stâ daûr
esemplis
"si jere inacuarte ben jê che Turi le cjalave cussì, che i lave daûr"
gjavât fûr di "La aghe da pît la cleve" di Dino Virgili
lâ daûr loc.v.
Tignî cdn. o alc tant che vuide, tant che model, tant che pont di riferiment
sinonims
tignî daûr
esemplis
"ducj a van daûr dal leader come pioris"
gjavât fûr di "Sul florî" di AAVV
"par pandi plui comuts la materie, o larìn daûr de gramatiche di Gérard Moignet,che al scomence di descrivi la morfologjie cul articul definît"
gjavât fûr di "Cualchi ipotesi sul furlan di prin di scrivilu" di Zorç Cadorin
lâ daûr loc.v.
Fâ l'istès di cdn. altri o di alc altri, ancje cence volontât
esemplis
"so pari nol jere plui in chest mont, e sô mari i jere lade daûr cualchi mês dopo di sclopecûr"
gjavât fûr di "Ombris tal infinît" di Carlo Sgorlon
lâ daûr loc.v.
Crodi a cdn. o a alc, vê fiducie, tignîlu in considerazion, dâi atenzion
sinonims
tignî daûr, stâ daûr
esemplis
""[...] se lavi daûr di jê no varès dovût vignì, parcè che e dîs che al è un puest di trucs""
gjavât fûr di "Butìnle in staiare" di Pieri Somede dai Marcs
"“Ce sâstu tu di mê mari? Se nancje no tu la cognossis…” “O ai sintût fevelâ di jê”. “Ah, tu vâs daûr dai babeçs? ” “Jo no. Dome che o ai scoltât avonde par fâmi une idee par gno cont.”"
gjavât fûr di "Îr e doman" di Gianni Gregoricchio
lâ daûr loc.v.
Tignîsi informât o inzornât su alc o su cdn.
sinonims
stâ daûr, tignî daûr
esemplis
"[i "influencers"] a àn une vore di int che ur va daûr in Rêt"
gjavât fûr di "Television 2.0" di Giorgio Jannis
lâ daûr loc.v.
Capitâ daspò o in consecuence di alc
sinonims
vignî daûr, tignî daûr
esemplis
"il racuei al va daûr di ce che si semene"
gjavât fûr di "Îr e doman" di Gianni Gregoricchio
detulis
"a lâ daûr dai fats di chei altris, a van di mâl i siei"
"a lâ daûr dai lavôrs dai altris, a van in discapit i siei"
"no bisugne lâ daûr dai peçots dai fruts"
"no stâ lâ daûr di peçots di fruts"
torne sù