Hai cercato la parola
monolingue
Torna indietro

monolingue

lâ daûr loc.v.
Movisi dopo di alc o di cdn.
sinonimi
vignî daûr, tignî daûr
esempi
"al preave Menut di Anzule Miot di puartâi la cjadreute fin su la jentrade de Androne e cjaminant come impicotît sul so baston [...] i lave daûr ben planchin"
da "Il Bide di Miot" di Maria Forte
lâ daûr loc.v.
Cirî di rivâ li di cdn. o di alc in moviment, ancje cun chê di cjapâlu
sinonimi
cori daûr, tignî daûr
esempi
"corii daûr a pît? No, miôr meti in moto e lâi daûr in machine"
da "Il cop" di Laurin Zuan Nardin
lâ daûr loc.v.
Jessi o movisi cun cdn. o cun alc, cun sens di dipendence, di subordinazion e v.i.
sinonimi
vignî daûr
esempi
"chês âfs che, cuant che a vevin chê di fâ une altre famee, a bandonavin il bôç par lâi daûr a une gnove regjine"
da "Lis âfs di Min" di Alviero Negro
lâ daûr loc.v.
Compagnâ, ancje no cuntun moviment tal spazi, ma cuntun compuartament, cuntune azion
sinonimi
stâ daûr, tignî daûr, vignî daûr
esempi
"a vevin scomençât a cjantuçâ e chel de armoniche ur lave daûr cul strument e cu la vôs"
da "Îr e doman" di Gianni Gregoricchio
lâ daûr loc.v.
Tignî i voi, la cjalade, o un altri orghin sensoriâl e v.i. su alc o su cdn. in moviment o in evoluzion
sinonimi
tignî daûr, stâ daûr
esempi
"mi domandà il canocjâl par lâ daûr il svol di doi falcuçs"
da "Il dolfin" di Carlo Sgorlon
"la sô orele, che e sint simpri ben, i va daûr al sunôr de sirene"
da "Cuant che l'Istât al finìs - Ogni etât la sô maravee" di Gianluca Franco
lâ daûr loc.v.
Tignî la atenzion centrade su alc, soredut suntun discors, suntun resonament, e rivâ a capîlu
sinonimi
stâ daûr, tignî daûr
esempi
"e cjalave ducj chei altris che a lavin daûr de Messe, che a someavin atents e convints"
da "Fûr di timp" di Jolanda Mazzon
"Eliseo al lave daûr dal discors cun fadie parcè che al pensave a altris robis"
da "Prime di sere" di Carlo Sgorlon
lâ daûr loc.v.
Vê un interès sentimentâl o sessuâl par cdn. e cirî di plasêi
sinonimi
stâ daûr
esempi
"si jere inacuarte ben jê che Turi le cjalave cussì, che i lave daûr"
da "La aghe da pît la cleve" di Dino Virgili
lâ daûr loc.v.
Tignî cdn. o alc tant che vuide, tant che model, tant che pont di riferiment
sinonimi
tignî daûr
esempi
"ducj a van daûr dal leader come pioris"
da "Sul florî" di AAVV
"par pandi plui comuts la materie, o larìn daûr de gramatiche di Gérard Moignet,che al scomence di descrivi la morfologjie cul articul definît"
da "Cualchi ipotesi sul furlan di prin di scrivilu" di Zorç Cadorin
lâ daûr loc.v.
Fâ l'istès di cdn. altri o di alc altri, ancje cence volontât
esempi
"so pari nol jere plui in chest mont, e sô mari i jere lade daûr cualchi mês dopo di sclopecûr"
da "Ombris tal infinît" di Carlo Sgorlon
lâ daûr loc.v.
Crodi a cdn. o a alc, vê fiducie, tignîlu in considerazion, dâi atenzion
sinonimi
tignî daûr, stâ daûr
esempi
""[...] se lavi daûr di jê no varès dovût vignì, parcè che e dîs che al è un puest di trucs""
da "Butìnle in staiare" di Pieri Somede dai Marcs
"“Ce sâstu tu di mê mari? Se nancje no tu la cognossis…” “O ai sintût fevelâ di jê”. “Ah, tu vâs daûr dai babeçs? ” “Jo no. Dome che o ai scoltât avonde par fâmi une idee par gno cont.”"
da "Îr e doman" di Gianni Gregoricchio
lâ daûr loc.v.
Tignîsi informât o inzornât su alc o su cdn.
sinonimi
stâ daûr, tignî daûr
esempi
"[i "influencers"] a àn une vore di int che ur va daûr in Rêt"
da "Television 2.0" di Giorgio Jannis
lâ daûr loc.v.
Capitâ daspò o in consecuence di alc
sinonimi
vignî daûr, tignî daûr
esempi
"il racuei al va daûr di ce che si semene"
da "Îr e doman" di Gianni Gregoricchio
proverbi
"a lâ daûr dai fats di chei altris, a van di mâl i siei"
"a lâ daûr dai lavôrs dai altris, a van in discapit i siei"
"no bisugne lâ daûr dai peçots dai fruts"
"no stâ lâ daûr di peçots di fruts"
Torna in Cima