SuperDizionari

lâ dongje loc.v.

Lâ intun spazi che nol è lontan di alc o di cdn.

sinonims

vicinâsi, svicinâsi, fâsi dongje, vignî dongje

esemplis

"di lontan o ai viodût Graziella e altris zovinis, jo no ai vût il coragjo di lâ dongje, ma o pensi che ancje Graziella mi vedi viodût"

gjavât fûr di "Jo e Graziella" di Mario Beltramini

lâ dongje loc.v.

No jessi tant diferent par cualitât, cuantitât, valôr, efiets, carateristichis e v.i.

sinonims

prossimâsi, vicinâsi, svicinâsi

esemplis

"a varessin di jessi stanziâts tancj plui bêçs di ce che e previôt cumò, di mût che la planificazion linguistiche di furlan e sart e puedi almancul lâ dongje dai nivei di chê dal galizian o dal basc in Spagne"

gjavât fûr di "Chei academics simpri cuintri" di Paolo Coluzzi

"a son confutazions dal protestantesim di nivel une vore bas: autoreferenzialitât che i va dongje a la tautologjie"

gjavât fûr di "Gabriele Zanello, Giovanni Battista Gallerio. Gli autografi delle poesie e delle prediche friulane" di Laurin Zuan Nardin

lâ dongje loc.v.

Jessi li li par fâ alc, par sucedi, par jessi intune cierte cundizion e v.i.

esemplis

"dome pre Josef Marchet, pre Meni Zanier, pre Checo Placerean e Etelrêt Pascul a jerin lâts dongje a concepî alc pe lenghe furlane che al varès podût menâ a une politiche linguistiche contrarie [a chê de Filologjiche] e gnove"

gjavât fûr di "Memoriis di politiche linguistiche" di Adrian Cescje

monolengâl