Hai cercato la parola
monolingue
Torna indietro

monolingue

lâ indaûr loc.v.
Movisi de bande contrarie a ce che al è devant o ae direzion che si veve prime (ancje fig.)
esempi
"dal '66 [i furlans] a spietarin cun pazience e cun rassegnazion che todescs e talians a finissin di lâ indaûr e indenant"
da "Cuintristorie dal Friûl dal 1866 fint in dì di vuê" di Josef Marchet
"e sintive lis peraulis, e viodeve lis senis, lis tornave a vivi, come cuant che si ferme il proietôr e si va indaûr cu la pelicule"
da "Fûr di timp" di Jolanda Mazzon
lâ indaûr loc.v.
Vê une involuzion, un decjadiment
esempi
"la pierdite (o, dut câs, il lâ indaûr de furlanetât) e je un dam par ducj, no dome pai furlans"
da "Tal cûr dal Friûl orientâl" di Laurin Zuan Nardin
" il PSOE al reste il prin partît dal Stât spagnûl in tiermins relatîfs ma al va indaûr par numar di vôts"
da "Il Tsunami democratic catalan e la confusion in Spagne" di Marc Stolf
lâ indaûr loc.v.
Resonâ, ricuardâ, investigâ, ipotizâ, fevelâ e v.i. di alc che al è sucedût prime intal timp
esempi
"i miei vons, par tant che o vadi indaûr, a jerin contadins"
da "Trê feminis" di Gianni Gregoricchio
"ricostruint la storie passade dal univiers, lant indaûr tal timp o vin un univiers simpri plui piçul fin a ridusisi a un pont"
da "Teologjie algjebriche" di Sergio Cecotti
"une volte, e no covente lâ indaûr di tancj agns, i nestris nonos a tignivin di cont dut"
da "Il cjaliâr di Tumieç. Un mistîr vecjo par un fantat zovin" di Marta Vezzi
lâ indaûr loc.v.
Jessi sucedût tal passât
esempi
"la date di nassite dal teatri moderni in Slovenie e va indaûr ae fin dal secul XVIII, di precîs ai 28 di Dicembar dal 1789, cuant che pe prime volte e fo rapresentade a Lubiane la opare di Anton Tomaž Linhart Županova Micka"
da "Il magjic mont dal teatri" di Alessio Potocco
Torna in Cima