Hai cercato la parola
monolingue
Torna indietro

monolingue

lâ indevant loc.v.
Procedi, vê un moviment intune cierte direzion, ancje cun sens di continuitât (ancje fig.)
sinonimi
lâ dilunc, lâ indenant, tirâ dilunc, tirâ indevant, tirâ indenant
esempi
"siôr Turo al jere daûr di Nita e al le indevant a batii une man su la spadule"
da "La aghe da pît la cleve" di Dino Virgili
"si cjatà devant di un mûr alt, jê no podeve lâ indevant, no saveve ce che al jere di là"
da "Fûr di timp" di Jolanda Mazzon
lâ indevant loc.v.
Svicinâsi a une fin, a un obietîf, a un risultât e v.i.
esempi
"i bêçs a mancjin e lis robis no van indevant, ma la colpe di cui ise?"
da "A Tresesin pal Congrès anuâl de Societât Filologjiche Furlane" di Walter Tomada
lâ indevant loc.v.
Rivâ a vivi, a frontâ problemis, spesis e v.i.
sinonimi
tirâ indenant, tirâ indevant, lâ indenant
esempi
"“Mariane… - al veve scomençât intant so pari, - di bessole no tu puedis lâ indevant. Ti covente cualchidun che ti dedi une man e magari dôs”"
da "Îr e doman" di Gianni Gregoricchio
lâ indevant loc.v.
Vê une durade intal timp
sinonimi
lâ indenant, lâ dilunc, slungjâsi, continuâ, durâ, tirâ dilunc, tirâ indevant, tirâ indenant
esempi
"l'Istitût Tellini al à ideât un progjet straordenari, che al larà indevant par cualchi an"
da "Mîts e flabis de Patrie" di Meni Zannier
lâ indevant loc.v.
Procedi intune azion za tacade, fâ une azion in maniere continuade o ripetude, che e pues jessi ancje sotintindude
sinonimi
lâ indenant, lâ dilunc, parâ indevant, parâ indenant, continuâ, tirâ dilunc, tirâ indevant, tirâ indenant
esempi
"no si po lâ indevant a straçâ"
da "2003: an da la aghe" di Gotart Mitri
"al cjape Turo a bracet e al fevele, come che al les indevant cuntun discors za inviât"
da "La aghe da pît la cleve" di Dino Virgili
"al disè sotvôs "No stâ crodi…" Jê si spietave che al les indevant, invezi al tasè cidin"
da "Fûr di timp" di Jolanda Mazzon
Torna in Cima