SuperDizionari

monolingue

lâ jù loc.v.

Vê un moviment o direzion dal alt al bas o di Nord a Sud o sim.

sinonimi

calâ, sbassâsi, dâ jù, dismontâ, vignî jù

esempi

"il sipari al va jù e la comedie e je finide"

da "Co l'amôr al cimie" di Costantino Smaniotto

"la strade e va jù a plomp cuintri Colorêt e cuasi no si viodile tal mieç dai cocolârs"

da "Il Crist di Quilin" di Riedo Pup

"il Valon par lâ a Triest e la Magnissa par lâ jù ta Bassis, jarin tra li stradis li plui pericolosis"

da "Il luminut da la Madona" di Ranieri Mario Cossâr

lâ jù loc.v.

Dal mangjâ e dal bevi, jessi glotût

esempi

"i esibirin un licôr dolçut. Lui al jere golôs piês de canaie e il dolç i leve jù come sîr"

da "Pre Pitin" di Antoni Beline

"il mangjâ al va jù a grops par sante scugne e no par il plasê di gustâ o di cenâ in compagnie"

da "Aiar di cjase" di Franca Mainardis

lâ jù loc.v.

Vê une riduzion di cuantitât, intensitât, valôr e v.i.

sinonimi

calâ, sbassâsi, cangjâ

esempi

"il câl paurôs de popolazion furlane che insom dal 1500 e jere lade jù di plui di un tierç rispiet ai prins agns dal secul"

da "Storie dal popul furlan" di Gian Carlo Menis

"la fiere e jere lade jù scuasi dal dut"

da "Il dolfin" di Carlo Sgorlon

lâ jù loc.v.

Di magle, colôr e v.i., smamîsi o sparî

esempi

""Ten ca, ten ca la gjachete, tu âs di parâmi jù une magle di ont..." "Une magle di ont?! Nol sa che il gras nol va jù sence benzine?""

da "Comari 'Sese" di Bruno Paolo Pellarini

proverbi

"cuant che si va jù par la aghe, si cjapisi pai baraçs se no si po altri"

"la cjase dai contents e je lade jù par la aghe"

"tropis voltis l'amôr al va jù pai lavris"

Torna in Cima