Hai cercato la parola
monolingue
Torna indietro

monolingue

lâ parsore loc.v.
In sens leterâl, lâ su di alc o lâ intune posizion adalt
sinonimi
lâ sù, vignî sù, vignî parsore
esempi
"[scjalant in mont] al cjate un tet e invezit di meti il claut sot de prominence, al decît di lâi parsore e di plantâlu plui insù"
da "Faliscjis" di Cristina Noacco
"colâ il brût e lassâlu polsâ, meti tal frigorifar, di mût che il gras al ledi parsore e si indurissi e si puedi gjavâlu"
da "Pane frattau" di Sandri Carrozzo
lâ parsore loc.v.
Jessi superiôr, miôr, plui fuart, plui impuartant e v.i. (ancje fig.)
sinonimi
avanzâ, passâ, superâ, vinci
esempi
"il merit di vê intalianade la regjon, pai nestris storics, al va parsore di ducj i malans causâts"
da "Lis predicjis dal muini" di Josef Marchet
lâ parsore loc.v.
Sedi di cdn. che di alc, jessi ecessîf, esagjerâ par cuantitât, misure, intensitât, forme, maniere di fâ, di esprimisi e v.i.
esempi
""La stampe e je la supurazion dal mâl de societât e des ambizions dai politics..." "No stin lâ parsore, vie po! A 'nd è pûr di chê che e si strussie par educâ... che e scombat pe veretât...""
da "Vieri e gnûf" di Pieri Piçul
lâ parsore loc.v.
Di contignût, lâ fûr di un recipient, o ancje dal recipient, vê il contignût che al ven fûr
sinonimi
lâ fûr
esempi
"la rimina a bol e a va parsora se a na si scjassa belbelu la cjadena"
da "Un recam inculurît" di Novella Cantarutti
proverbi
"ce che al è di masse al va parsore"
"ce che al va parsore no si met in cont"
"la misure co e je colme e va parsore"
Torna in Cima