Hai cercato la parola
monolingue
Torna indietro

monolingue

lassâ cori loc.v.
Permeti di cori, di lâ ator o fâ cori, fâ lâ ator
esempi
"al molave la aghe e le lassave cori"
da "Pre Pitin" di Antoni Beline
"al veve lassât cori tantis vôs sul so cont: che lui al veve un podê fûr dal ordenari cuintri lis tristis robis, che si intindeve cun spirts e aganis, cun gans e maçarûi"
da "Il Bide di Miot" di Maria Forte
lassâ cori loc.v.
Rinunziâ a alc, o ancje a cdn., o soredut a lâ indevant cuntune ativitât, cuntune discussion, cuntune cuistion e v.i.
sinonimi
lassâ di bande, lassâ stâ, molâ, dâ sù, lassâ lâ
esempi
"«[...] Cirîtsi une buine cristiane… e lassait cori … chê femine, che no je la vuestre femine! »"
da "Ta la ombre dal santuari" di Pieri Somede dai Marcs
lassâ cori loc.v.
Fâ fente di nuie, no dâ pês a une dinamiche o a une situazion negative e no intervignî par cambiâle
sinonimi
lassâ pierdi, lassâ stâ, lassâ lâ
esempi
"masse anarchie, masse egocentrisim, masse narcisisim si è lassât cori tal Moviment"
da "Memoriis di politiche linguistiche" di Adrian Cescje
"in chest mont, Pieri, miôr che lis cjossis a vadin un pôc al lôr destin, e lassâ cori, e lassâ vivi ducj"
da "Lis âfs" di Catarine Percude
proverbi
"i laris piçui si picjiju, i grancj si lassiju cori"
Torna in Cima