Tu âs cirût la peraule
monolengâl
torne indaûr

monolengâl

lassâ fûr loc.v.
Lassâ de bande difûr, no puartâ dentri o ancje no permeti di jentrâ
sinonims
lassâ difûr
esemplis
"il cjan [...] al à di vêlu lassât fûr, scrufuiât di cualchi bande a cirî il fresc"
gjavât fûr di "Madalene" di Franco Marchetta
lassâ fûr loc.v.
No sierâ, no cuvierzi, no taponâ
esemplis
"Vera e jere involuçade intune siarpone che i lassave fûr dome che il nasut e i voi"
gjavât fûr di "Îr e doman" di Gianni Gregoricchio
lassâ fûr loc.v.
No cjapâ dentri, no tocjâ, no cjapâ in considerazion
sinonims
lassâ di bande, lassâ in bande
esemplis
"il regolament aprovât al fronte dome la part dedicade a radios e televisions, ma al lasse fûr cjarte stampade e internet"
gjavât fûr di "Regjon e lenghe furlane: pôc e tart" di Carli Pup
"se o vais a voltâ dutis lis pagjinis che a son stadis scritis sul patî dai oms, dutis, propit dutis, cence lassâ fûr nissune, si inacuarzarês che nissun al è stât bon di dînus il parcè dal nestri patî"
gjavât fûr di "La Pasche" di Francesc Placerean
lassâ fûr loc.v.
Escludi, no fâ partecipâ
sinonims
lassâ di bande, parâ di bande, parâ vie, lassâ in bande
esemplis
"chel viodisi lassâts fûr des confidencis e dibot ancje da la amicizie, e chê riverence, a dî la veretât, un pôc false e servîl de int, cun lôr, ur pareve dute di masse e ur faseve ancje une ponte di dispiet"
gjavât fûr di "La aghe da pît la cleve" di Dino Virgili
"nissun nol veve vût cûr di lassâlu fûr de clape"
gjavât fûr di "La clape" di Gianni Gregoricchio
lassâ fûr loc.v.
No fâ alc, par vie che si dismenteisi, che no si sa o ancje par sielte
sinonims
lassâ di bande, fâ di mancul, lassâ in bande
esemplis
"la ultime cjosse di viodi jere la capele, là che di solit al lavorave fra Bernart. Cualchidun al scomençave a dî che si podeve lassâ fûr di viodi chê capele"
gjavât fûr di "La Madalene" di Zuan Lurinçon
torne sù