SuperDizionari

lassâ stâ loc.v.

Lassâ alc o cdn. te situazion che al è, soredut tal sens di no cjapâ, no tocjâ, no cambiâ e v.i.

esempi

""Po, ce volêso fâlu sunâ ancje vô [il gramofon]? … A lu rompês savêso; lassaitlu stâ , nol è nestri""

da "Co l'amôr al cimie" di Costantino Smaniotto

"co Celso si jere tirât dongje de scune, a cjalâ Firmato che al durmive, e veve vût un scat: “ Lassilu stâ, che tu mal dismovis!”"

da "Îr e doman" di Gianni Gregoricchio

lassâ stâ loc.v.

No fâ dal mâl

sinonimi

lassâ vivi

esempi

"ancje la none i veve cridât al barbe: - Puaris bestiis, lassilis stâ , sence cûr! - ma po e veve spelât e netât i ucieluts e ju veve metûts a cuei par cene"

da "Di là de rêt" di Jolanda Mazzon

lassâ stâ loc.v.

Fâ di mancul di alc, o ancje di cdn., o soredut di lâ indevant cuntune ativitât, cuntune discussion, cuntune cuistion e v.i.

sinonimi

lassâ di bande, lassâ pierdi, molâ, dâ sù, lassâ cori

esempi

""Vuei fevelâigji jo, cumò. Dulà ise?" "No, Meni, lassìn stâ; si podarès fâ piês! [...]""

da "Ninenane" di Bruno Paolo Pellarini

""[...] che al vegni ca, che al vegni ca, che al bevi une taçute…" "No, no, lassait stâ, grazie, co si cjatarìn a Udin mi paiarês invezit un cafè…""

da "Robis che a sucedin" di Pieri Somede dai Marcs

"[par sparagnâ] i tancj libris di vuê o pues lassâ stâ di comprâju, tant plui che, aromai, o 'nd ai tancj che no sai dulà metiju"

da "Culumiis" di Meni Ucel

lassâ stâ loc.v.

Ignorâ, fâ fente di nuie o no cjapâ in considerazion

sinonimi

lassâ di bande, lassâ pierdi, lassâ cori, lassâ in pâs, lassâ lâ

esempi

""[...] e pai bêçs o ai simpri dome sparagnât e tignût cont ancje se par une volte o spint alc par me, mi pâr che no sedi une robe tant malfate!" "Ben, lassìn stâ i bêçs par cumò, [...]""

da "Fûr di timp" di Jolanda Mazzon

monolingue