SuperDizionari

lassâsi v.pron.intr.
(la-ssâ-si)

Molâ une prese, molâ di fâ fuarce, in mût di colâ o di jessi ogjet di cualchi fuarce o inerzie

sinonims

lassâ, molâ, molâsi

lassâsi v.pron.intr.
(la-ssâ-si)

No jessi plui dûr, pierdi consistence, tonicitât, tension

sinonims

slassâsi, dislassâsi, smolâsi

esemplis

"un piarsul che al si lasse"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

lassâsi v.pron.tr.
(la-ssâ-si)

Lassâ alc par se stes, ancje cun reciprocitât

esemplis

"a jerin flabis di secui, e ses lassavin di pari in fi, come un cimeli preseât"

gjavât fûr di "La aghe da pît la cleve" di Dino Virgili

lassâsi v.pron.tr.
(la-ssâ-si)

Cun funz. causative, permeti a se stes di fâ alc o permeti che a se stes al sucedi alc

esemplis

"si lassave sorâ e remenâ, tant su la muse che par daûr, sence mai ofindisi"

gjavât fûr di "A la sagre di Mion" di Giovanni Gortani

"lassantsi colâ su une cjadree, al si cuviarç la muse cu lis mans"

gjavât fûr di "Ninenane" di Bruno Paolo Pellarini

"si lassà fâ dûl e al judà Meni"

gjavât fûr di "Meni Elar" di Riedo Pup

lassâsi v.pron.intr.
(la-ssâ-si)

Cun reciprocitât, lâ ognidun pe sô strade o intun puest diferent dopo di jessi stâts insiemi

sinonims

dividisi, disseparâsi, molâsi

esemplis

"Meni al veve proponût di bevi un altri tai prin di lassâsi"

gjavât fûr di "Îr e doman" di Gianni Gregoricchio

"si compuartave tant che un frutut sui prins moroseçs: cuant che si lassavin, une bussade sclete, sclete e vie a cjase"

gjavât fûr di "Cretevierte" di Roberto Ongaro

lassâsi v.pron.intr.
(la-ssâ-si)

Restâ dacuardi intune cierte maniere

sinonims

restâ

esemplis

"i vevi palesât il plasê di podê torna a stampâ, dopo 400 agns, lis oparis di Luigi Pozzi e Renato si jere subit mostrât interessât al progjet: cussì si jerin lassâts"

gjavât fûr di "La reditât di Della Torre" di Pieri Beline

lassâsi v.pron.intr.
(la-ssâ-si)

Rompi une relazion soredut di amôr

sinonims

dividisi, divorziâ, separâsi

esemplis

""Par une altre reson, par une altre reson, soredut, si sin lassâts: pal to caratar." "Mai che tu disessis: pai nestris caratars.""

gjavât fûr di "L'amôr vieri" di Ercole Carletti

"daspò di un pâr di agns si sin lassâts cu la morose e, par vie di un amì, mi soi trasferît a Parîs"

gjavât fûr di "Il Fior de leterature (dissegnade)" di Dree Venier

"si jere lassade cun Pieri"

gjavât fûr di "Lupo Manarie e barbe Zuan" di Raffaele Serafini

monolengâl