Hai cercato la parola
monolingue
Torna indietro

monolingue

lecâ v.tr.
(le-câ)
Tocjâ cu la lenghe, passâ la lenghe su alc (ancje ass.)
sinonimi
lenzi, slapagnâ, lescâ
esempi
"[la cjice] i veve lecât lis mans invidantlu a une cjarece e a deventâ il so paron"
da "Cjase di Dalban" di Maria Forte
"mi plâs. “Ce ti plasial di jê?” Mi plâs dut: se e fos crote i lecarès dute la piel"
da "Sophia" di Checo Tam
"al veve chê muse sodisfate a lecâ un gjelât che al jere il plui bon de citât"
da "Gjelât di cjocolate" di Spirt Anonim
lecâ v.tr.
(le-câ)
Tocjâ a pene, passâ dongje tocjant (fig.)
sinonimi
rasintâ, lenzi
esempi
"il fûc al lecave il rimpin dal cjadenaç"
da "Varc di confin" di Maria Forte
lecâ v.tr.
(le-câ)
Petenâ in mût di fâ deventâ dut slis e in ordin (fig.)
sinonimi
petenâ, slissotâ, slisâ, vualivâ, vuaiâ
lecâ v.tr.
(le-câ)
Tratâ ben, soredut in maniere ipocrite e par vê un tornecont (fig.)
sinonimi
adulâ, cortizâ, freolâ, incensâ, slissâ, lenzi, lissâ, rufianâsi, sfreolâ, sprofumâ, lustrâ
esempi
"la mê lenghe no use a mormorâ, / e tant manco a lecâ"
da "La fotografie di Pieri Çorut" di Pieri Çorut
lecâ v.tr.
(le-câ)
Puartâ vie, robâ
sinonimi
foti, freâ, gafâ, puartâ vie, taconâ, freolâ, inculâ, robâ
esempi
""Dai, dai, no stâ stâ a cincuantâ cumò... Se ti fâs la piel, ti cjol ancje il cjaval, no?, e cussì a ti no ti reste nie dopo. Da ca!..." e i gjave di man la cjavece e i leche il cjaval"
da "Titon dai siet pecjâts mortâi" di Dino Virgili
proverbi
"cuant che si paie, si po ancje lecâ il plat"
"ducj i guscj a son guscj, al diseve il gjat che si lecave il cûl"
Torna in Cima