Tu âs cirût la peraule
monolengâl
torne indaûr

monolengâl

liberâ v.tr.
(li-be-râ)
Fâ che cdn al sedi libar, nol sedi in cundizion di presonie, sclavitût o sim.
sinonims
diliberâ, sfrancjâ
esemplis
"siet mil operaris si movin dai cantîrs di Monfalcon e, menaçant di brusâ preture e presons, a fasin liberâ Minut"
gjavât fûr di "La seconde Irlande" di Carli Pup
"si cjatin oms armâts di sclopis che a vuelin fâ il montafin, ven a stâi la vuere par liberâ il popul"
gjavât fûr di "La cjase di Toni" di Tarcisio Venuti
liberâ v.tr.
(li-be-râ)
Fâ cdn. al sedi solevât di alc di negatîf
sinonims
diliberâ, sfrancjâ
esemplis
"oris che si ingrumavin a meti adun une altre zornade che no lu liberave dal so torment soterani"
gjavât fûr di "La tiere di Lansing" di Maria Forte
"la muart di Crist e la sô resurezion a vuelin dî che Crist al è chel che nus libere ancje de muart ancje se nô no capìn cemût"
gjavât fûr di "La Pasche" di Francesc Placerean
liberâ v.tr.
(li-be-râ)
Lassâ une stanzie, une cjase e sim. par che cdn. altri al puedi vêlis a disposizion
sinonims
diliberâ, lassâ, molâ, disvuedâ
esemplis
"lis sôs robis, i siei libris ju vevin dâts vie par pôc e par nuie, ancje par liberâ lis stanziis [e podê fitâlis]"
gjavât fûr di "Ombris tal infinît" di Carlo Sgorlon
liberâ v.tr.
(li-be-râ)
Fâ in maniere che un lûc nol sedi plui intrigât o plen di alc
sinonims
diliberâ, netâ
esemplis
"a lavorarin par liberâ dal pantan il plan a nivel de strade"
gjavât fûr di "Ombris tal infinît" di Carlo Sgorlon
"il materiâl fresc si suiave subite e si podeve liberâ ogni dì i plaçâi"
gjavât fûr di "La emigrazion furlane in Austrie e in Gjermanie" di Matteo Ermacora
liberâ v.tr.
(li-be-râ)
Gjavâ vie un oblic, un impegn, un dovê e v.i.
sinonims
assolvi, disimpegnâ, dispensâ, esimi, diliberâ, sfrancjâ
esemplis
"liberât de Presidence dal partît tal Istât dal 1975 e par cualchi an de stesse presince inte sô Direzion gjenerâl, mi movevi in plui formis"
gjavât fûr di "Memoriis di politiche linguistiche" di Adrian Cescje
liberâ v.tr.
(li-be-râ)
Fâ in maniere che une capacitât, une facoltât, un alc di imateriâl no vedin di stâ sot di condizionaments, imposizions e v.i. (fig.)
sinonims
diliberâ, sfrancjâ, molâ
esemplis
"massime intai teritoris imperiâi e in chei elvetics, la Riforme e fasarà di jeve par liberâ lis fuarcis produtivis ma ancje pes rivendicazions di nature sociâl"
gjavât fûr di "La invenzion dal stât" di Fabian Ros
liberâ v.tr.
(li-be-râ)
Lassâ vignî fûr
sinonims
diliberâ, molâ
esemplis
"intal IV stadi dal sium al ven liberât l'ormon de cressite"
gjavât fûr di "Il cjâf dai furlans" di Franc Fari
liberâ v.tr.
(li-be-râ)
[TS] (sport) Intal balon, rivâ a parâ fûr il balon de aree de difese
sinonims
diliberâ
detulis
"de triste volontât liberaitnus domine"
torne sù