SuperDizionari

licence s.f.
(li-cen-ce)

Il permeti a cdn. di fâ alc o il vê il permès di fâ alc

sinonims

benstâi, consens, permès, permission, autorizazion, benstâ

esemplis

"al veve jevade la man adalt come a domandâ licence di fevelâ"

gjavât fûr di "Îr e doman" di Gianni Gregoricchio

Viôt ancje: licenzie

licence s.f.
(li-cen-ce)

Autorizazion di slontanament dal servizi, slontanament autorizât, e timp che al dure chel slontanament concedût a un militâr

esemplis

""Jo doman i scrîf al colonel di Renato par preâlu di acordâigji une licence: al jere amì dal mio puar marît e no mi dirà di no""

gjavât fûr di "A ogni cost" di Vittorio Vittorello

"ta chel Avrîl rabin dal '18, siôr di slavins e di soreli, gno pari al rivave in licence dal front"

gjavât fûr di "Come tai romançs" di Alan Brusini

licence s.f.
(li-cen-ce)

(scol.) Titul di studi otignût frecuentant un cors e passant un esam

esemplis

"a metin sù la Scuele sociâl dulà che zovins a pene laureâts, in autogjestion, a judin lavoradôrs a cjapâ la licence medie"

gjavât fûr di "Cuintristorie dal taramot" di Igor Londero

licence s.f.
(li-cen-ce)

Mancjât rispiet o slontanament di un scheme o di une regule

esemplis

"[te traduzion dal esametri] a pet dal grêc si à cjapât dôs licencis par vie des carateristichis linguistichis dal furlan"

gjavât fûr di "Jentrade de Odissee" di Sandri Carrozzo, Pierluigi Visintin

monolengâl