SuperDizionari

limit s.m.
(li-mit)

Linie di division o confin

sinonims

confin, tiermin, linie

esemplis

"il fat che si individui un teritori di base, nol esclût che la politiche linguistiche indreçade al Friûl no puedi o no scuegni vê interazions e efiets ancje difûr dai siei limits teritoriâi"

gjavât fûr di "Notis di politiche linguistiche par un Friûl diferent" di Sandri Carrozzo

limit s.m.
(li-mit)

Cuantitât, misure, intensitât e v.i. massime o minime

esemplis

"par chel che al rivuarde la seconde variabile [etât dai intervistâts], a son stâts mantignûts i limits di etât di 18-65 agns di chês altris ricercjis"

gjavât fûr di "La cundizion sociolinguistiche dal furlan" di Linda Picco

limit s.m.
(li-mit)

Element che al ferme o che al pidimente

esemplis

"magari cussì no tra cualchi docent e reste ancjemò la convinzion che l'insegnament de lenghe furlane al sedi un limit pal aprendiment coret da talian"

gjavât fûr di "La tutele de lenghe furlane a scuele" di Patrizia Pavatti

limit s.m.
(li-mit)

Pont che no si varès di passâ o che no si rive a passâlu (fig.)

esemplis

"nissun al pues jessi obleât a un tratament sanitari se no par disposizion di leç, che però no pues in nissun câs violâ il limit dal rispiet de persone"

gjavât fûr di "Interviste a Amato De Monte" di Christian Romanin

"al scugnive par altri adatâ i siei progjets a la persone di Valerie che, volint o no, [jessint in carocine] e veve i siei limits"

gjavât fûr di "Il muc" di Roberto Ongaro

limit s.m.
(li-mit)

Mancjance rispiet a ce che al coventarès o a un model ideâl (fig.)

sinonims

difiet, mende, pecje

esemplis

"cundut dai siei limits, Pieri Çorut al è stât un personaç impuartant de leterature furlane"

gjavât fûr di "Pieri Çorut" di Roberto Jacovissi

limit s.m.
(li-mit)

[TS] (sient.) Pont ideâl che sore o sot di chel si verifiche un ciert fenomen

limit s.m.
(li-mit)

[TS] (biol.) Linie di confin altimetric e climatic che e fisse la estension di fenomens biologjics o gjeofisics

esemplis

"I insediaments si cjatin di fat dilunc di diretivis precisis che a tegnin cont dai limits altimetrics dal bosc e des culturis"

gjavât fûr di "La mont furlane" di Mauro Pascolini, Andrea Guaran

limit s.m.
(li-mit)

[TS] (sport) Intal balon, linie che e segne la aree di rigôr

esemplis

"ve un cross che al somee mugnestri, indreçât viers il limit de aree taliane"

gjavât fûr di "Vincjedoi" di Laurin Zuan Nardin

limit s.m.
(li-mit)

[TS] (astron.) Ognidun dai doi ponts plui distants de eclitiche inte orbite di un planet

limit s.m.
(li-mit)

[TS] (mat.) Valôr relatîf a une funzion tâl che, par ogni cuantitât arbitrarie, al esist simpri un valôr de variabile de funzion dulà che la funzion e cjape un valôr che la diference cul valôr limit e je inferiôr a chê cuantitât

limit s.m.
(li-mit)

[TS] (gjeol.) Plan di contat jenfri dôs unitâts gjeologjichis o litologjichis, segnade su di une cjarte gjeologjiche

monolengâl