Hai cercato la parola
monolingue
Torna indietro

monolingue

lizêr adi.
(li-zêr)
Che al pese pôc
esempi
"Taresie e durà pôc, tal jet, ma, in chel pôc, e finì di pierdi dut il so pês. Cussì lizere che e pareve fate di medole di saût"
da "La tiere di Lansing" di Maria Forte
"al provà la biciclete. No che e fos masse lizere, ma in sumis e lave vonde ben, par chei cuatri che e costave"
da "Prime di sere" di Carlo Sgorlon
Vedi anche: lezêr, lizîr, liziar
lizêr adi.
(li-zêr)
Ancje in funz. di av., pôc cjariât, che al puarte intorsi pôc pês
esempi
"viazâ lizêr"
lizêr adi.
(li-zêr)
Di tiessût, vistît e sim., sutîl, fin, che nol ten cjalt
sinonimi
fresc
esempi
"la none e veve intor il solit cotulon e une cjamese lizere, cu lis maniis, a zîr di cuel"
da "Trê feminis" di Gianni Gregoricchio
"chel sial di sede lizere butât su lis sôs spalis"
da "Il solt di Arlunc" di Gianluca Franco
lizêr adi.
(li-zêr)
Svelt e elastic tai moviments
sinonimi
elastic, spedît
esempi
"[la morose] i vignive incuintri cuntun pas lizêr che al someave che e cjaminàs su la aghe"
da "Come tai romançs" di Alan Brusini
"lizêr tant che un gjat, si rimpinà sul figâr"
da "Il muc" di Roberto Ongaro
lizêr adi.
(li-zêr)
Di pocje intensitât
sinonimi
delicât
esempi
"si tacà a sintî un lizêr businôr tant che chel di un avon che, a man a man, al deventave simpri plui fuart"
da "Il muc" di Roberto Ongaro
"vâs di canelons florîts o di sclopons che a mandin un odorìn lizêr dut dulintor"
da "Corpus Domini" di Pieri Somede dai Marcs
"un ros lizêr i impià la muse"
da "La tiere di Lansing" di Maria Forte
"il pêl da la aghe, ingrispât di un baviç lizêr di buere"
da "Cuant che l'Istât al finìs - Ogni etât la sô maravee" di Gianluca Franco
lizêr adi.
(li-zêr)
Ancje in funz. di av., di mangjâ, che nol sta sul stomi, facil di digjerî
sinonimi
digjeribil
esempi
"une version plui lizere [de mignestre galiziane], e je chê di vilie, cence i vues e cence il strut e invezit cul vueli"
da "Caldo galego - Mignestre galiziane" di Sandri Carrozzo
"i tocjave mangjâ pôc e lizêr"
da "Il sorbet di limon" di Agnul di Spere
lizêr adi.
(li-zêr)
Di sium, che si interomp cun facilitât
esempi
"e durmive di un sium lizêr dongje di me"
da "Il dolfin" di Carlo Sgorlon
lizêr adi.
(li-zêr)
Che nol strache, che nol domande un impegn fisic o mentâl (fig.)
sinonimi
facil
esempi
"si jere adatât parfin a lavorâ cul pat che si fos tratât di une vore lizere e di pocje durade"
da "Cercandui" di Alan Brusini
lizêr adi.
(li-zêr)
Che al trate argoments pôc fonts o che al à nome il fin di straviâ (fig.)
sinonimi
di evasion, disimpegnât, divertent, lizerin
esempi
"o vin discorût ancjemò un pieçut. Domandis su la sô vite in Canada; rispuestis lizeris"
da "Trê feminis" di Gianni Gregoricchio
"lis fantacinis de sô etât, a fevelavin, cui lôr morôs o fra di lôr, di robis lizeris, vueidis di valôr"
da "Cretevierte" di Roberto Ongaro
"la musiche dal presint, no chê culte, ma chê "lizere""
da ""Amôrs" in musiche" di Erika Adami
lizêr adi.
(li-zêr)
Di cdn., che al fâs cun pocje serietât e riflession (fig.)
sinonimi
superficiâl
esempi
"un ciriviel lizeir come i uciei a vevin chê femini e li mans sbusadi"
da "I voi di Miriscja" di Novella Cantarutti
lizêr adi.
(li-zêr)
No cjamât di pinsîrs, di preocupazions (fig.)
sinonimi
libar
esempi
"intor, la lûs e rideve e lui si sintive lizêr come mai prime"
da "La tiere di Lansing" di Maria Forte
lizêr adi., s.m.
(li-zêr)
[TS] (sport) Che, cui che al è intune cierte categorie di avonde pôc pês, che e pues cambiâ daûr dal ses e de singule dissipline, spec. tai sports di contat
esempi
"tal pugjilât dai diletants i lizêrs a rivin fin a 60 kg"
proverbi
"nûl lizêr la sere, bon timp si spere"
Torna in Cima