Hai cercato la parola
monolingue
Torna indietro

monolingue

locâl adi.
(lo-câl)
Che al rivuarde un ciert puest, cun estension limitade, che al à difusion, efiet e v.i. dome intun ciert puest o in cualchi puest, che nol è gjenerâl
sinonimi
regjonâl
esempi
"politichis smiradis di svilup locâl"
da "Dal setôr dal len un dramatic chivalì" di Redazion il Diari
"daûr di ce che a ripuartavin i cuotidians locâi al somee che ancje il Sindic di Udin le vedi sbarade gruesse"
da "Spara Jurij spara (Giovanni, Debora, Pieri & C.)" di Marc Stolf
locâl adi., s.m.
(lo-câl)
Spec. tal pl., che, cui che al vîf intun puest
sinonimi
paisan, dal puest, di chenti, di lenti, di ca, di là
esempi
"passant dongje di un simiteri di Belgrât, sin zûts ducj cuancj a robâ la sgnape che la int i poie ai siei muarts su la tombe: la matine dopo la int locâl e jere une vore rabiade cun nô"
da "Gjovanin Boser" di Bruno Colledani
"lis plantis e bestiis locâls"
da "Il zûc de ocje in lenghe" di Erika Adami
locâl adi., s.m.
(lo-câl)
[TS] (fer.) Tren che si ferme ancje intes stazions des localitâts plui piçulis
esempi
"la letare, Laurinç le leiè prin di rivâ a cjase. Le leiè sul tren locâl che al partive a vot e mieze di Milano-Garibaldi"
da "Chê dì che al neveà a Vignesie" di Agnul di Spere
"al someave in dut a un normâl tren locâl. Al rivave ta mê stazion plui o mancul a lis seis di matine"
da "Il tren dai cinês che a duarmin" di Raff BB Lazzara
locâl s.m.
(lo-câl)
Lûc sierât destinât par alc, spec. par ristorazion, divertiment, culture e v.i.
sinonimi
ambient
esempi
"vierzi il locâl a buinore pai clients de sgnape e dal cafè"
da "Come tai romançs" di Alan Brusini
"tu le finirâs, mocul di sagristie, di slengâmi simpri e di meti a mâl il gno locâl e la mê marcjanzie e i miei aventôrs!"
da "Lis predicjis dal muini" di Josef Marchet
"al cirì di meti in sest il locâl [une buteghe di marangon], e cuant che dut al fo in ordin Rita e Ricardo a vignirin a viodilu"
da "Prime di sere" di Carlo Sgorlon
"al jere plui di un mês che no faseve scuele, ven a stâi di cuant che i cosacs a vevin ocupât il locâl"
da "Sul agâr" di Pieri Menis
locâl s.m.
(lo-câl)
Spazi che al risulte de division interne di une costruzion o di une abitazion
sinonimi
stanzie, ambient
esempi
"59 artiscj residents in regjon che no àn mai esponût, invidâts di 20 critics a presentâ lis lôr voris tai locâi de vile di Toppo Florio e tal zardin"
da "Armoniis di ponts in moviments" di Erika Adami
"il locâl plui impuartant, in cjase, al ere il camarin, la cjanive, o la cantine. Locâi fats no par mostrâ ai forescj: par doprâ, invezit "
da "I furlans e il camarin" di Riedo Pup
Torna in Cima