[TS] (filos.) Teorie di cemût che di un o plui judizis si passe cun coerence a di un altri e studi des cundizions di coretece e coerence dal resonament,
esemplis
"par cuasi vincj agns Camillo al lavore in Friûl: dopo di vê insegnât logjiche a Sant Vît, tal 1509 al è a Pordenon [...]; tal 1515 al è mestri di umanitât a Udin"
gjavât fûr di "Il brevet" di Mario Turello
logjiches.f. (lo-gji-che)
Coerence e coretece dal resonament
esemplis
"noaltris che o sin talmentri "in re publica jejuni", zuns di politiche, che o lin nome daûr de logjiche, cence adataments aes contingjencis, o resonìn cussì [...]"
gjavât fûr di "Logjiche e politiche" di Josef Marchet
logjiches.f. (lo-gji-che)
Mût di resonâ tipic di cdn., di une comunitât, di un moment storic e v.i.
esemplis
"nol ocor jessi baste parê: / eco la logjiche, dal dì di vuê"
gjavât fûr di "Florean dal Palaç. I, 1" di Guido Antonioli
"no rivi a capî la tô logjiche"
logjiches.f. (lo-gji-che)
Finalitât di un mût di fâ
esemplis
"pensâ al teritori intune logjiche formative, interpretant lis antropologjiis culturâls vivis di chel teritori"
gjavât fûr di "Un lûc pe cussience comunitarie" di Bruno Forte
logjiches.f. (lo-gji-che)
Complès dai principis che a stan daûr di un sisteme teoric e pratic
esemplis
"la stesse logjiche des sieltis grafichis anteriôrs nus varès puartâts a scrivi nasci, al nasç, nasçût, come che al faseve Jacum Pirona"
gjavât fûr di "La grafie furlane normalizade" di Xavier Lamuela
"chest coretôr al è plui sofisticât e al va daûr di une logjiche gramaticâl, al ven a stâi ch'al dopre une schirie di algoritmis ch'a riconstruissin la struture morfologjiche de lenghe"
gjavât fûr di "Il mestri eletronic" di Ricart Urban
logjiches.f. (lo-gji-che)
Complès di carateristichis di un fenomen o di une dinamiche che a puedin jessi interpretadis in maniere sistematiche, che al somee che a vedin une cierte coerence tra di lôr (fig.)
esemplis
"la vuere, purtrop, sal jere cjolt cun se te sô logjiche sassine di disgracie e di muart e lu veve menât lontan a batisi cuintri int che no i veve fat nuie al so paîs"