Tu âs cirût la peraule
monolengâl
torne indaûr

monolengâl

lune s.f.
(lu-ne)
Satelit naturâl de Tiere
esemplis
"e jere une bielissime gnot di Istât, cuntune lune che si viodeve come di dì"
gjavât fûr di "Serenadis" di Meni Ucel
"la lune grande e monte sù pal cîl a slargjâ un blancôr di lat su la campagne e sul paîs indurmidît cui barcons spalancâts a respirâ"
gjavât fûr di "La aghe da pît la cleve" di Dino Virgili
"uniche ricjece il lupiâ des stelis e il sflandorâ de lune che dut e indarintave jù pe val, fin sul lavio dal Tiliment"
gjavât fûr di "Il muc" di Roberto Ongaro
"a racuei ti voi lis stelis / tal grant prât dal firmament; [...] Planc planchin, une par une, / vie pe gnot vuei lâ cirint: / mi farai prestâ de lune / la sô sesule di arint"
gjavât fûr di "Serenade" di Emilio Nardini
"dulà vâtu, / dulà vâtu, / Luna, / pai trois di lat dal cîl? / Ma la luna a continua il so viaç, / no à rispuestas par nissun"
gjavât fûr di "Flaba seconda" di Giorgio Ferigo
lune s.f.
(lu-ne)
Fase, circostance che si à di acetâ, in gjenar negative, spec. in fat di bêçs (fig.)
esemplis
"e metisi a fâ mûr [par fâ sù une glesie gnove], cu lis lunis di cumò, nol è un zûc di lodulis. Ma chei di Turniçons a rivaran insom, garantide"
gjavât fûr di "Lis predicjis dal muini" di Josef Marchet
lune s.f.
(lu-ne)
Estri, umôr, spec. se al cambie daûr des situazions (fig.)
esemplis
"o jeri deventade nevrasteniche e o cambiavi di lune intal zîr di un minût"
gjavât fûr di "Trê feminis" di Gianni Gregoricchio
"si jevave a buinore cu la lune serene"
gjavât fûr di "La fie çuete" di Maria Forte
lune s.f.
(lu-ne)
Desideri, fortune, prospetive impussibile (fig.)
esemplis
"e butave lis cjartis [...] «O Dio frute, viôt che tu âs un, ca, plen di bêçs…» [...] Po dopo, par no fâti sperâ masse la lune: «Eh, ma chi la facende si met mâl…»"
gjavât fûr di "Faliscjis" di Cristina Noacco
detulis
"cuant che al plûf il prin martars di lune, no si à sec plui par chê lune"
"cuant che la lune e à il cercli, ploie sigure"
"cui che al cjale la lune, nol fâs fortune"
"cul domandâ paron si va pardut, fûr che te lune"
"la lune no à ce fâ cui gjambars"
"la lune no je simpri taronde"
"la lune no sint il baiâ dai cjans"
"la lune ur fâs lusôr ai laris e ai inamorâts"
"la mode e la fortune a durin tant che la lune"
"lis donis a àn la lune cun lôr"
"lis feminis a àn la lune cun lôr"
"lune di brume mieze sute e mieze bagnade"
"lune di sabide lune ladine"
"lune in pîts marinâr sentât, lune sentade marinâr in pîts"
"lune pelose zornade ploiose"
"lune sabidine di cent une buine"
"lune setembrine a siet lunis si inchine"
"ni par baiâ di cjan ni par ronâ di mus nol è stât mai fermât il cors de lune"
"nol è mai carnevâl che no sedi lune di Fevrâr"
"nol è mai stât l'ultin di carnevâl che no sedi fate o par fâsi la lune di Fevrâr"
"ogni mês si fâs la lune, ogni dì si impare une"
"se al è bon timp il prin martars di lune, al è bon timp dute la lune"
torne sù