SuperDizionari

mît s.m.

Conte tradizionâl cun valôr simbolic e sacrâl, in particolâr su la origjin dal mont, dai dius, dai oms o di altris elements, o su impresis di dius e erois

esemplis

"la tradizion de cape [dai pelegrins di Sant Jacum] salacor e je di divignince pagane, colegade al mît di Venere che e salte fûr des ondis"

gjavât fûr di "Sant Jacum, là che al finìs il mont" di Antoni Beline

"i Grêcs a contavin in putrops mîts che Apol al jere un diu forest, tramontan"

gjavât fûr di "Jenfri vîfs e muarts" di Sandri Carrozzo

mît s.m.

Idealizazion di un personaç, di un fat storic, di une aspirazion coletive e v.i.

sinonims

liende

esemplis

"tancj dai miei mîts musicâi (Lino Straulino, Bob Dylan, Tracy Chapman, De André, ma ancje i varis grups folk dai agns ‘60/'70) no vevin tant di plui che struments acustics, vôs, e un grum di robis di contâ"

gjavât fûr di "Alvise Nodale: un zovin cjantautôr che al promet cetant ben, su lis olmis di Straulino" di Moira Pezzetta

"une regjon che fin a chel moment e viveve ancjemò sul mît dai siei emigrants lâts a cirî fortune ator pal mont"

gjavât fûr di "Un Friûl difarent: i 90 mhz di Onde Furlane" di Max Mauro

mît s.m.

Invenzion idealizade o aspirazion utopiche (fig.)

sinonims

utopie

esemplis

"se nô o clamìn profete pre Antoni, o scugnìn viodilu midiant la sô umanitât e cence fâ di lui un personaç, o imbastî par lui esaltazions e mîts"

gjavât fûr di "Un om che al fâs di profete" di Tonin Cjapielâr

mît s.m.

Persone cun cualitâts ecezionâls (ancje scherç.)

esemplis

"il mît furlan des corsis in moto al è fûr di dubi Edi Orioli"

gjavât fûr di "Velocitât a dôs ruedis" di Oscar Puntel

monolengâl