Tu âs cirût la peraule
monolengâl
torne indaûr

monolengâl

magri adi.
(ma-gri)
Di persone, di animâl o di part dal cuarp, che e à pôc gras
sinonims
sut, sclagn, sec
esemplis
"e ce viodie? Sôs sûrs incjadenadis, magris come stiçs, che a vevin dongje dome pan e aghe!"
gjavât fûr di "Trê sûrs" di Andreina Nicoloso Ciceri
"la femine alte e magre, dute a neri mi cjalave"
gjavât fûr di "I forescj" di Alan Brusini, Gian Paolo Linda
magri adi.
(ma-gri)
Di cjar di mangjâ, cence gras o cun pôc gras o di altre robe di mangjâ, cun pocje percentuâl di lipidis
esemplis
"lis cjars magris (poleç, dindi, vidiel e cunin) a puedin jessi consumadis plui des cjars rossis"
gjavât fûr di "Mangje san 3" di Guglielmo Pitzalis
magri s.m.
(ma-gri)
Pitance che no à cjar e che duncje si pues mangjâ cuant che lis normis religjosis cristianis a prescrivin di no mangjâ cjar
esemplis
"la maiorance e veve tignût domandât perdon e fate pinitince vie pe anade: [...] lis processions, lis novenis, il dizun e il magri di cuaresime…"
gjavât fûr di "I furlans e la religjon" di Riedo Pup
magri adi.
(ma-gri)
Di teren o passon, pôc produtîf, che nol bute (fig.)
sinonims
mars, puar
esemplis
"a vevin dât a fit chê braide, ma cumò no rindeve plui, bandonade come che e jere, puare e magre"
gjavât fûr di "Sul agâr" di Pieri Menis
"montagnis ruspiosis, plenis di crets e di prâts clapignôs, monts magris, tiere di miserie lustrade dai scravaçs e dal tramontan"
gjavât fûr di "Il muc" di Roberto Ongaro
magri adi.
(ma-gri)
Che al è scjars di fuarce, intensitât
sinonims
scjars, flap, misar, puar, debil, flevar
esemplis
"la palide flame / dai magris lusôrs / risclare la sene, / paron, aventôrs"
gjavât fûr di "Ai Piombi" di Romeo Battistig (?)
magri adi.
(ma-gri)
Di materiâl, soredut misturât, che al à pocje cuantitât di une cierte sostance
sinonims
puar
esemplis
"malte magre"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"dutis lis moscjis i dan aduès al cjaval magri"
"la tampieste e cole simpri sui cjans magris"
"miôr un justament magri che no une grasse sentence"
"miôr une magre convenzion che no une grasse sentence"
"si daur il sorc ai purcits magris"
torne sù