Tu âs cirût la peraule
monolengâl
torne indaûr

monolengâl

sec adi.
Che nol à plui la sô conponente normâl di aghe o di umôrs, che al à pierdût idratazion dal dut o in part
sinonims
ardût, arsît, candît, disidratât, flapît, incandît, scridel, scridelît, sidiât, sut
esemplis
"fra un circul di vecjis çocjis di cjastinâr e je une buse plene di fueis secjis"
gjavât fûr di "Lis leiendis di Buie" di Pieri Menis
"la Vierte e cuvierzeve la jerbe secje cun chê gnove e tenarine e cun violis di bonodôr"
gjavât fûr di "Cjase di Dalban" di Maria Forte
"pi da netâ four ramaçs secs e clusi a na vevin fat ta chel bosc e che ducj a lu vevin tignût come sacrât"
gjavât fûr di "I cjans di not" di Novella Cantarutti
sec adi.
Che nol à aghe
sinonims
arsît, sut, secjât, suiât, candît, incandît
esemplis
"al rivà l'an dal sut, che in dute la stagjon nol veve plot mai, e il riul al jere sec"
gjavât fûr di "Vergjilio" di Riedo Pup
sec adi.
Dal timp, dal clime e v.i., cun pocje umiditât e ploiis
sinonims
arit, ars, sut
esemplis
"su lis Alps e su la Italie al predomine l'anticiclon e al rive aiar frêt e sec de Russie"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
"une altre volte Invier, sec, cence nêf, nome polvar tai cjamps e pocje zulugne"
gjavât fûr di "Par stradis lungjis" di Alan Brusini
sec adi., s.m.
Une vore magri
sinonims
fin, incandît, lizêr, los, scarm, scarmulin, scjarnît, sclagn, sclendar, sec in cjandele, sfilât, smilç, sut, sutîl
esemplis
"Checut al è un biel frut: Al è biont e sec e al cjamine spedît cun sô mari, dongje de Tor, a lidrichessis"
gjavât fûr di "Beromünster e Monteceneri" di Checo Tam
"il baston gropolôs i tremave tes mans secjis, cu lis venis de «alterie» scuris e infûr, come une tele di ragn su la piel"
gjavât fûr di "La aghe dal Ariul" di Maria Forte
sec adi.
Dit o scrit in pocjis peraulis, ancje masse diretis (fig.)
sinonims
curt, sut, rampit, svelt
esemplis
"il maressial, imbotonât tal so impermeabil vert a dopli pet, al da ordins secs e precîs"
gjavât fûr di "Par stradis lungjis" di Alan Brusini
" i vevi berlât un "No! " cussì sec, che lui si jere spaurît"
gjavât fûr di "Trê feminis" di Gianni Gregoricchio
sec adi.
Che al sucêt svelt, a colp (fig.)
sinonims
svelt, sut, imburît
esemplis
"no je drete nancje chê [strade] de costruzion de Europe unide, tra acelerazions, frenadis secjis e fasis di disorientament"
gjavât fûr di "Minorancis linguistichis" di Marc Stolf
"lis cjampanis a lassavin colâ ancjemò i lôr colps secs come clapadadis"
gjavât fûr di "Sflamiadis" di Pieri Menis
"al cirì un moment tra lis cjartis, cu la muse tirade e i motos secs e gnarvôs"
gjavât fûr di "Prime di sere" di Carlo Sgorlon
sec adi.
Di spice, cjanton o sim., no taront e no larc
esemplis
"in font dal retilini un svolt sec al mene a man çampe"
gjavât fûr di "L'apontament" di Pauli Jacuz
sec adi.
Di vin o licôr, che al à pôc zucar, contrari di dolç
esemplis
"meti adun il rîs e messedâ e fogolâ, par che si insavorissi par ben; po dopo zontâ mieze tace di vin blanc sec e lassâ svaporâ"
gjavât fûr di "Jerbis salvadiis inte cusine furlane" di Giorgio Pascoli
"bon il vin, sec, di bevidôr; e buine la sgnape che la fantate no finive mai di metimi tal bussul"
gjavât fûr di "I forescj" di Alan Brusini, Gian Paolo Linda
sec adi.
[TS] (zûcs) Intal lot, di zuiade, fate dome intune ruede, cence vê inte cartele altris cumbinazions di numars
esemplis
"numars di zuiâ al lot par cjapâ il terno sec"
gjavât fûr di "Lis predicjis dal muini" di Josef Marchet
sec adi.
Muart (pop.)
sinonims
dûr
esemplis
"podessio restâ sec culì che o soi - che Diu mal perdoni - se jo o ai mai sintût un discors di chê fate"
gjavât fûr di "Lis predicjis dal muini" di Josef Marchet
"Eliseo al traè. Il jeur al marcolà dôs voltis e al colà jù sec"
gjavât fûr di "Prime di sere" di Carlo Sgorlon
sec s.m.
Mancjance di umiditât e di precipitazions
sinonims
secjarie, sute, sut
esemplis
"plui di una volta la tampiesta e al sec e la 'silugna tai cjamps e li malatiis e li disgrassiis in cjasa e ta stalis a distrusevin al so lavôr"
gjavât fûr di "Catinuta" di Ugo Pellis
"chest an al è il sec e tai cjamps nol ven nuie"
gjavât fûr di "Il re e la fantate furbe" di Andreina Nicoloso Ciceri
sec s.m.
Materiâl cence umiditât, spec. len muart
esemplis
"tal bosc bandît no si pues taiâ, ma si pues cjapâ sù il sec"
detulis
"cuant che al plûf il prin martars di lune, no si à sec plui par chê lune"
"gjave e no met, la fontane a va a sec"
"un len sec al cjape plui prest che no un vert"
"un len sec al cjape prime che no un vert"
"vuê al è Sant Benedet se nol pie di vert al pie di sec"
torne sù