SuperDizionari

manovre s.f.
(ma-no-vre)

Complès di moviments che a domandin un ciert impegn o abilitât, che a compuartin une cierte dificoltât, par rivâ a un ciert obietîf

sinonimi

moviment

esempi

"al dispeà il spolert, che al sbrissà a planc a planc su lis breis dal cjaruç. Al scugnì fâ mil manovris par tirâlu jù, e po lassâlu li tal curtîl, spietant che cualchidun i des une man a puartâlu disore"

da "Prime di sere" di Carlo Sgorlon

manovre s.f.
(ma-no-vre)

[TS] (milit.) Moviment di trupis, par esercitazion o par cjapâ une cierte disposizion tatiche

esempi

"a vignivin i soldâts a fâ lis manovris a Vendâs"

da "Par stradis lungjis" di Alan Brusini

" i Sovietics, spaurîts pe manovre NATO “Able Archer”, a vessin alertât i bombardîrs nucleârs"

da "Un cjasâl, une vuere nucleâr" di Checo Tam

manovre s.f.
(ma-no-vre)

Iniziative, in gjenar complicade o dificile o delicade o platade, par rivâ a un ciert fin (fig.)

sinonimi

moviment, smaneç, truc, zîr

esempi

"si po mai crodi se l'ispetôr al varès pandût alc des sôs manovris e des sôs piçulis scuviertis"

da "Cretevierte" di Roberto Ongaro

"o vin simpri fevelât clâr e sclet, o vin cirût di smascarâ lis manovris pôc netis"

da "Esam di cussience" di Josef Marchet

manovre s.f.
(ma-no-vre)

Azion politiche o aministrative cun efiets su belanç e competencis

esempi

"il Guvier al discuteve de manovre economiche cu la idee di sierâ lis Provinciis sot dai 300 mil abitants"

da "Isontino? No, Friûl orientâl" di Walter Tomada

monolingue