Hai cercato la parola
monolingue
Torna indietro

monolingue

mateâ v.intr.
(ma-te-â)
Jessi mat o deventâ mat o compuartâsi come un mat
sinonimi
çavariâ, deventâ mat, batile
esempi
"done Pine, dopo cualchi setemane che si cjatavin in chê cjase, e començà a mateâ, a «dâ i numars», e diseve la int"
da "Chei di Muraie" di Pieri Menis
mateâ v.intr.
(ma-te-â)
Passâ il timp in zûcs o divertiments o disint robis pôc seriis o ridiculis
sinonimi
zuiâ, scherçâ, bagolâ, spassâsi, sorâse, pierdisi vie, svagâsi, zugulâsi, palotâ
esempi
"la Lile e coreve ator mateant, amie di ducj i fruts"
da "Cjase di Dalban" di Maria Forte
"al sintive il crustâ de nêf sot dai pas de int che e leve in glesie, il mateâ e il ridi dai fruts che al clarôr de nêf si balonavin"
da "Nadâl" di Pieri Somede dai Marcs
"si viôt che [i fruts] a dutrine, invezit di stâ atents, a matein cui Gormiti"
da "Al mancje un re" di Maurizio Mattiuzza
mateâ v.intr.
(ma-te-â)
Svicinâsi, tocjâsi, stuzigâsi par ridi, ma cun intindiment sessuâl
sinonimi
zuiâ, trapolâ, cjossolâ, tichignâ
esempi
"al tornà a sentâsi daprûf di Viole che e stave mateant cun Valter, fasintsi bussatâ e picigotâ"
da "Tal ospedâl" di Amedeo Giacomini
"a un soldadut che al voleve mateâ cun me fûr dal cine, i ai dadi une pocade cul comodon che lu ai butât di chi culà!"
da "Vieri e gnûf" di Pieri Piçul
mateâ v.intr.
(ma-te-â)
Movi alc dibant, soredut par passâ il timp o ancje par parâ vie il gnervôs
sinonimi
zuiâ, bagolâ, pierdisi vie, svagâsi, zugulâ
esempi
"al trotave beât [...] mateant cuntun fros di jerbe in bocje"
da "I ribei" di Alan Brusini
"il pinsîr si piert, intant che al matee cu la ponte de roncee jenfri de jerbe"
da "Madalene" di Franco Marchetta
mateâ v.intr.
(ma-te-â)
Impegnâsi, fâ fadie mentâl o fisiche, par rivâ a un risultât, cjatâ une soluzion e v.i. (fig.)
sinonimi
bacilâ, deventâ mat, discervielâsi, lambicâsi, batile, çavariâ, strolegâ
esempi
"[lis scuelis] a volevin fâlis di trê plans, par no mateâ une altre dì a alçâlis"
da "Il façolet dal Dacian" di Riedo Pup
"no tu âs voie di stâ a mateâ e a fâ di gustâ, tu cjolis il mangjâ pront"
da "Take away" di Bete di Spere
mateâ v.intr.
(ma-te-â)
Cjapâ alc sul seri e pensâ parsore, par une preocupazion, par une ofese e v.i.
sinonimi
bacilâ
esempi
"Berto cualchi volte al restave mâl, ma pal plui nol mateave"
da "Aiar di cjase" di Franca Mainardis
"Udin, ae fin, si gjolt chê zornade di marcjât cence tant mateâ tal domandâsi cui che al è paron e cui sotan"
da "Soreli jevât a mont" di Raffaele Serafini
mateâ v.intr.
(ma-te-â)
Fâ une cualchi azion no ben definide
sinonimi
trapolâ, cjossolâ, argagnâ, remenâ
esempi
"il paron al veve il vizi di fevelâ di bessôl, cuant che al mateave ator dai telârs par so cont"
da "Contis sot spirt" di Raffaele Serafini
"Zuan al mateava cul tirabori sul fogalâr"
da "La Santa" di Novella Cantarutti
"ce stâstu simpri a mateâ cun chel telefonut?"
da "Chat" di Bete di Spere
proverbi
"cui che al à voie di mateâ che al compri un orloi o che si ledi a maridâ"
"un mat al fâs mateâ cent savis"
Torna in Cima