SuperDizionari

menade s.f.
(me-na-de)

At, azion di menâ

esempi

"il muini al veve za dât une menade di scraçulon"

da "Resurezion a Pontinie" di Pieri Somede dai Marcs

"ancje il gno cjan al è bon cualchi volte di lassâ la bocjade o il vuessut par vignî a fâmi une menade di code"

da "Lis predicjis dal muini" di Josef Marchet

menade s.f.
(me-na-de)

[TS] (bot.) Plante o ramaç te prime fase di disvilup

sinonimi

butade, sfiol

esempi

"i arbui a jerin za rârs, e ator dai çocs lis menadis gnovis a vignivin sù fissis come sterps"

da "Prime di sere" di Carlo Sgorlon

"cul britulin al preparave lis archetis pai uciei cun menadis di sanzit e filiduris di cjanaipe"

da "Il vivi al è chel rangjâsi" di Maria Forte

menade s.f.
(me-na-de)

[TS] (marang.) Traspuart des taiis di len su la aghe di un flum e cuantitâts di lens menâts

menade s.f.
(me-na-de)

Desideri, pretese, impuls o at iresonevul e ustinât

sinonimi

tic, tîr

esempi

"i veve cjapade une altre menade; chê di sei dome jê in confidence cun lôr e, par podê leâ la Ulive dome che a se, le judave in dut"

da "La tiere di Lansing" di Maria Forte

""Che al scjampi siôr plevan, il gno om al è tant rabiôs, no sai parcè; e al è lât a cirî lis tanaiis par gjavâi lis orelis. I je vignude sù une menade che no capìs""

da "Lis pernîs" di Andreina Nicoloso Ciceri

menade s.f.
(me-na-de)

Robe false, dite o fate par imbroiâ

sinonimi

cuviertele, fente, gjeromete, pantomime, bale, bufule, luianie, bausie, sflocje, flabe

esempi

"altri che lis menadis de granitiche unitât, la opare di unificazion dal Risorziment, il primât dal popul talian in dut il mont, e lis acuilis e lis lovis"

da "Sovranitât nazionâl" di Josef Marchet

""E devi jessi dute une menade, une polegane di chei… o sai ben jo cui!""

da "Vieri e gnûf" di Pieri Piçul

menade s.f.
(me-na-de)

Azion di cjoli vie, di ridi fûr

sinonimi

remenade, menade ator, cjolte pal cûl

esempi

"plui di chês cuatri menadis e di cualchi cjolte par cûl a carnevâl, nol sucedeve"

da "Cretevierte" di Roberto Ongaro

"cualchi volte o ai gust di dâur la menade, dome che dispès a saltin sù e mi tegnin muse dure fin tal indoman"

da "Sul florî" di AAVV

menade s.f.
(me-na-de)

Maniere di fâ o di lâ indevant, soredut se e je predeterminade, inerziâl, necessarie e v.i.

sinonimi

ande

esempi

"al deve di viodi di vê capide la menade dai guviers di îr e di vuê, bogns di visâsi de puare int nome cuant che e servìs par mandâle a murî"

da "Alpin jo mame!" di Alan Brusini

"al faseve i siei lavôrs daûr la menade, e al polsave impins come i cjavai, poiât tun mûr, cul cjapiel di sbighet sui voi"

da "Cjase di Dalban" di Maria Forte

menade s.f.
(me-na-de)

Robe di pocje o nissune impuartance (spres.)

sinonimi

fufigne, naine

esempi

"viodìn di contâle cence tantis menadis, che jo o soi une anime pratiche"

da "Contis sot spirt" di Raffaele Serafini

"no stait a fevelâmi di nostalgjie, o chês menadis li, che i curtii di une volte, plens di cocodecs e di cuacuacuacs, no tornin plui"

da "O vin nome un planet, o vin nome un Friûl" di Walter Tomada

monolingue