SuperDizionari

monolingue

meridionâl adi.
(me-ri-di-o-nâl)

Dal Sud, che al ven di Sud, che al è a Sud di alc o te part a Sud di alc

esempi

"[I Gôts] a vignivin dal Got-Land, ven a stâi de part plui meridionâl de Svezie"

da "La nestre storie" di Francesc Placerean

"al rivà a Spilimberc, dulà che al à scomençât daurman a frescjâ la abside a man çampe dal domo, cu la date 1350, cul Crist Judiç, la Anunziazion ai pastôrs, la Nativitât, e il Viaç dai Trê Rês te parêt meridionâl"

da "Storie de art in Friûl" di Bepi Agostinis

meridionâl adi., s.m.
(me-ri-di-o-nâl)

Che, cui che al è di un teritori che si calcole a Sud rispiet a un altri, dispès in riferiment ae Italie dal Sud o ae Europe dal Sud, ancje in relazion aes carateristichis stereotipadis che si lein a chê identitât o divignince

sinonimi

bassarûl

esempi

"se intal triangul dal Nordovest a jerin i meridionâi a jessi tratâts di sotans, culì a jerin i furlans a jessi cjalâts dal alt di une catidre, di un taulin di ufici, di un banc di tribunâl, di une divise militâr"

da "La eterne lote dai furlans" di Antoni Beline

"cracul, neri e pelôs, il carbinîr al jere il prototip dal meridionâl"

da "Delchi" di Gianni Gregoricchio

Torna in Cima