Tu âs cirût la peraule
monolengâl
torne indaûr

monolengâl

messedâsi v.pron.tr.
(me-sse-dâ-si)
Messedâ alc di se stes o par se stes,
Viôt ancje: messjedâsi
messedâsi v.pron.intr.
(me-sse-dâ-si)
Di personis o robis, sedi de stesse sorte che ben diferentis tra di lôr, dâsi dongje, finî insiemi intun complès eterogjeni o omogjeni
sinonims
miscliçâsi, unîsi, dâsi dongje, misturâsi
esemplis
"al è il segnâl dal assalt, e un sglavin di mil e mil vôs stratignudis, un sgorneament di ferace e un talponâ di cjavai si messedin"
gjavât fûr di "Il cjistiel di Udin" di Josef Cjargnel
"si saludarin dibot cence fevelâ, cjalantsi e avonde. A lerin vie messedantsi cu la int"
gjavât fûr di "In viaç di domenie" di Agnul di Spere
"il vecjo si messede cul gnûf, creant une spiritualitât misteriose e plene di intersezions"
gjavât fûr di "Intun non la fuarce di une comunitât" di Angelo Floramo
messedâsi v.pron.intr.
(me-sse-dâ-si)
Vê o fâ un moviment
esemplis
"dut intun al sint como [lis âfs] a messedâsi li tal mieç dai flôrs"
gjavât fûr di "El grivon" di Dolfo Zorzut
"el sanc al scomençave a messedâsi tes venis plui in presse di simpri"
gjavât fûr di "El lunis di Titute Lalele" di Arturo Feruglio
messedâsi v.pron.intr.
(me-sse-dâ-si)
Fâ alc cun impegn, concentrazion, fadie e v.i.
sinonims
doprâsi, movisi, spindisi, dâi sot, çugnâsi, manezâsi, bati mans e pîts, butâsi in cuatri, dâi daûr, dâsi ator, dâsi da fâ, dâsi lis mans ator, metisi sot, niçâsi
esemplis
"lis feminis, cjamadis di fastidis, fruts e pedoi, ur tocjave di messedâsi di une lûs a di chê altre, par procurâ la bocjade a chei canais"
gjavât fûr di "La farine dal diaul" di Josef Cjargnel
"chei pinsîrs i fasevin vignî i sgrisui, e cussì al butave vie la manteline e al tornave a lavorâ, stant che messedantsi al rivave a parâju vie"
gjavât fûr di "Prime di sere" di Carlo Sgorlon
messedâsi v.pron.intr.
(me-sse-dâ-si)
Vê a ce fâ cun alc o cun cdn.
sinonims
imbragâsi, impeolâsi, impetolâsi
esemplis
"cji visi, Andrea, tu mi sameos [...] un bon frut, no stâ messedâcji cun chê intato"
gjavât fûr di "Geologicamente impossibile" di Fulvio ReddKaa Romanin
"e viveve par so cont e no si messedave tes cjacaris dal paîs"
gjavât fûr di "Prime di sere" di Carlo Sgorlon
messedâsi v.pron.intr.
(me-sse-dâ-si)
Jessi cjapât dal gnervôs, de agjitazion e sim
sinonims
agjitâsi
esemplis
"scuasi ducj i presints si sviarsin a fuarce di ridi e siore Marie si messede come une lipare"
gjavât fûr di "Bastian dal for" di Gjovanin Falescjin
detulis
"a messedâsi tal cjarbon, si reste cjarbonâts"
torne sù