Hai cercato la parola
monolingue
Torna indietro

monolingue

mestri s.m.
(mes-tri)
Cui che al insegne, spec. di mistîr, spec. te scuele ai fruts fin a dîs agns
esempi
"la sô passion e jere chê di passâ il timp a lei libris che i imprestavin il plevan o il mestri de scuele"
da "Chei di Muraie" di Pieri Menis
"lis scuelis a van simpri indenant fasint stât sul volontariât, sui mestris e professôrs che a acetin di cjamâsi ancje dal compit di insegnâ il furlan dongje de materie di titularitât"
da "I dîs agns de leç n. 482/99" di Silvana Fachin Schiavi
Vedi anche: maestri
mestri s.m.
(mes-tri)
Prin rapresentant plui impuartant di une scuele di pinsîr, di art, filosofie o sience
sinonimi
fondadôr, iniziadôr
esempi
"un grant mestri psicologjic e spirituâl al è stât il princip Siddharta Gotama, cognossût come il Buddha, che al à vivût in Indie intal V secul prime di Crist"
da "Neurosiencis de meditazion" di Franc Fari
mestri s.m.
(mes-tri)
Cui che al è tant brâf intune dissipline, che al fâs scuele
sinonimi
soremestri
esempi
"il profete da la unitât e grant mestri de politiche taliane, [...] Machiavelli, al insegnave che la plui grande furbarie e sarès chê di no doprâ nissune furbarie"
da "Il pietin e il grop" di Josef Marchet
mestri s.m.
(mes-tri)
Musicist diplomât tal conservatori
esempi
"Vigji Lunc che al mandave so fi Sergjo dal Lunc a Udin a studiâ musiche e imparâ a sunâ la armoniche di un mestri"
da "La musiche" di Ivano Urli
mestri s.m.
(mes-tri)
Pitôr o scultôr di une buteghe o scuele o corint artistiche
esempi
"[Afro Basaldella] al è considerât un dai mestris de scuele astrate taliane, a pâr di Guttuso e De Chirico"
da "Afro Basaldella" di Luca De Clara
mestri s.m.
(mes-tri)
Artesan o operari specializât, ancje tant che titul devant di non di persone
esempi
"- Jo mi implanti di marangon in cjase - dissal Nart finît il garzonât là vie di mestri Cole"
da "La division" di Dino Virgili
"mestri muredôr babio dal mistîr che al veve cjapât sù stant in preson"
da "Storie di Min" di Ivano Urli
"mestri Checo, il cjaliâr dal borc disore"
da "Cretevierte" di Roberto Ongaro
mestri s.m.
(mes-tri)
Tant che titul di rispiet, devant di un non di persone o par clamâ cdn.
esempi
"mestri Tite, il capoborc, al à mandât jù di corse un frut a Trep par che al visàs il plevan [che a vevin cjatât un muart]"
da "A uciei cu lis archetis" di Pieri Menis
"mestri Jacum, parcè no vegnial a cerçâ ancje i miei miluçs?"
da "I miluçs" di Angelo Covazzi
mestri adi.
(mes-tri)
Di alc, plui impuartant, plui grant
sinonimi
grant, principâl
esempi
"une ombrene scure e cuvierç la Madone piturade sul mûr mestri"
da "Il mulin" di Dino Virgili
"Zac al jere dismontât di buride e [...] al coreve dilunc il viâl mestri"
da "Light my Fire" di Franco Marchetta
proverbi
"al vûl un brâf mestri a stimâ une fabriche"
"ancje il boie al è mestri"
"bisugne jessi prin garzon e po mestri"
"bisugne jessi prin scuelârs e po mestris"
"dal lavôr si cognòs il mestri"
"il mâl si impare cence mestris"
"in trê dîs no si devente mestris"
"la dibisugne a fâs l'om mestri"
"la esperience e je la grant mestre"
"la necessitât e fâs l'om mestri"
"la ocasion e fâs l'om mestri"
"nissun mestri nol è colât dal cîl"
"nissun nol nas mestri"
"par decidi di une fabriche al vûl un mestri"
"trist al è chel mistîr che nol manten il mestri"
Torna in Cima