SuperDizionari

meti a puest loc.v.

Disponi alc dulà che al à di stâ

esempi

""Sveait Zuanin, che al puarti lis viscjadis te bressane; intant lis metarà a puest Radeschi""

da "L'aventari pal barcon" di Maria Forte

meti a puest loc.v.

Fâ jessi o fâ tornâ intun bon stât, in buinis cundizions, in ordin

sinonimi

meti in ordin, meti in sest, meti in fîl, sistemâ, comedâ, regolâ

esempi

""Cjare tu, Matie, tu tu âs voie di fâmi lavorâ masse, par meti a puest dute cheste cjasone… Madone, viôt chi cetancj pacs di disfâ… Ce ise dute cheste robe?! …""

da "Sul agâr" di Pieri Menis

" cu la scuse di meti a puest, di netâ, al curiosave ca e là"

da "Cretevierte" di Roberto Ongaro

"al veve vût la incarghe di meti a puest i archivis"

da "Friûl e furlans te Histoire de ma vie di Giacomo Casanova" di Pierluigi Visintin

meti a puest loc.v.

Dâ a cdn. une buine posizion economiche, professionâl, sociâl, sentimentâl e v.i.

sinonimi

sistemâ

esempi

"e invidave chês personis in grant par rivâ a meti a puest i fîs"

da "Cjase di Dalban" di Maria Forte

meti a puest loc.v.

Tratâ cdn. cemût che si merete, soredut cun severitât

esempi

""Gjigji lu ai metût a puest! … Lele la cuinçarai ben ancje chê! Figuraitsi!""

da "Un grop sul stomi" di Arturo Feruglio

""Tilde, isal cualchidun che ti disturbe?" al bruntulà cun vôs che e voleve jessi di menace. "No." E rispuindè jê a colp. "E ancje se al fos, o soi buine di metilu a puest di bessole""

da "Trê feminis" di Gianni Gregoricchio

monolingue