Hai cercato la parola
monolingue
Torna indietro

monolingue

meti sù loc.v.
Meti alc parsore di alc altri
esempi
"tornâ a meti sù un clap sore chel altri"
da "La vite di chest mont, cence un pôc di spirt, e devente brute e insopuartabile" di Francesc Placerean
meti sù loc.v.
Fâ jentrâ tun orifizi dal cuarp
esempi
"[il dotôr] al tacà subit a visitâlu: palpe a diestre, palpe a çampe; sint i polmons, viôt i voi, met sù il dêt di chê bande daûr, par viodi se la prostate e jere a puest"
da "Jacum dal miedi" di Angelo Covazzi
meti sù loc.v.
Montâ alc che si tache, che si picje, che al sta a contat, che al sta impins e v.i.
esempi
"ma tant e tant soi bon / di spegaçâ portons, / di tasselâ bragons, / di nasâ un caratel, / di meti sù un spinel"
da "La mê biografie" di Pieri Çorut
"si tratave di meti sù lis cjampanis gnovis"
da "Predis di ogni fate" di Riedo Pup
meti sù loc.v.
Stampâ o publicâ
esempi
"il diretôr Alberto Buvoli mi veve impromitût di publicâ su la riviste "Storia contemporanea in Friuli" une recension che i vevi antecipade. Je ai dade tal mês di Avrîl, ma no me à metude sù"
da "La storie vere de "Garibaldi-Natisone"" di Luche Nazzi
meti sù loc.v.
Meti alc, soredut vistîts, scarpis, furniments e v.i., a contat cul cuarp
sinonimi
meti intor, meti aduès, meti
esempi
""E intant doman, che e ven la contesse, no varai un fîl di vistît di meti sù par presentâmi, e par no parè propit une contadinate!""
da "Mariute" di Ercole Carletti
"tornant a meti sù i ocjai forsit cumò il plevan si inacuarç di alc che prime nol podeve viodi"
da "Madalene" di Franco Marchetta
meti sù loc.v.
Soredut in riferiment ai dincj, jessi tal moment che a tachin a vignî fûr
esempi
""[...] tu mi rontis come une frutute, co mi met sù i dincj di lat! Meni!... e tu mi vaiussis in chist mût, tu mi frichis!""
da "Mi ûstu ben" di Dolfo Zorzut
meti sù loc.v.
Riferît ai chilos, ae panze, al gras e v.i., deventâ plui pesant
sinonimi
butâ sù
esempi
"miôr doprâ pôc o nuie i gras saturs di origjin animâl tant che spongje, ardiel, saìn e pane, parcè che il consum ecessîf di chescj gras al fâs meti sù chilos in plui"
da "Mangje san 3" di Guglielmo Pitzalis
meti sù loc.v.
Riferît ai agns, deventâ plui vecjo o vê aspiet di plui vecjo
esempi
"«Al par che al vei metût sù cent agn, siôr Simon, e di pôc incà»"
da "La tiere di Lansing" di Maria Forte
meti sù loc.v.
Cjapâ une ande, vê une maniere di fâ
esempi
""Se vuê, in cheste cjase e vês un dovê, al è di no meti sù i aiars di une volte""
da "Il çoc" di Ercole Carletti
"«Biât frut» al pensà Zuan «al à za metût sù une grinte di "socsfîr" che al console»"
da "La tiere di Lansing" di Maria Forte
meti sù loc.v.
Fâ, preparâ e furnî alc par che al puedi fâ une ciert funzion, soredut in riferiment a ativitâts economichis
sinonimi
prontâ, fâ, vierzi
esempi
"in timp di militâr, al veve fate amicizie cuntun ustîr di Praclûs, che al veve metude sù une ostarione cun tant di zûc di balis"
da "Îr e doman" di Gianni Gregoricchio
"il progjet di meti sù une fabriche di tiessidure al jere stât spampanât in lunc e in larc e tante biade int, bisugnose di lavorâ, massime zoventût, e veve domandât di podê lâ a vore te gnove industrie"
da "Chei di Muraie" di Pieri Menis
meti sù loc.v.
Fâ une ativitât o une struture che e domande preparazion, organizazion
sinonimi
imbastî, inmaneâ, dâ dongje, fâ, meti adun, meti dongje, vierzi, tacâ
esempi
"la regjon, come che e sarà imbastide in Italie no disberdee nuie, no comede nuie, no zove nuie. E, in fin dai conts, no nus impuarte nuie che le metin sù o che no le metin sù"
da "Lôr no molin e nô no molìn" di Josef Marchet
"si à començât a sintî a dî che ca e là a metevin sù une “vuardie nazionâl pe sigurece dal popul”"
da "Il prin moto" di Riedo Pup
"o vevin metût sù a fuarce di vitis une biele comedie"
da "In teatro" di Pieri Somede dai Marcs
meti sù loc.v.
Imponi o contâ une spese, un contribût
sinonimi
fissâ, imponi, cjamâ, cjariâ
esempi
"cuissà ce tasse di famee che mi meteve sù… cun chê famee che o ai jo, sôl come un cjan!"
da "Une scarpute" di Pieri Somede dai Marcs
meti sù loc.v.
Meti alc tal fogolâr o te stue o sul fûc par che al brusi
esempi
""Sù, sù dati coragjo Rose, il Signôr ti judarà, bute vie un pôcs di pinsîrs, al è Nadâl, vin di sei ducj in pâs…" "A podêlu… pai, no ise ore di meti sù la çocje?""
da "Vilie di Nadâl" di Pieri Somede dai Marcs
"flame no 'nd jere plui, ma dome un côl di boris rossis. Al metè sù doi tocs di len e al vierzè il respîr par che a cjapassin miôr"
da "Prime di sere" di Carlo Sgorlon
meti sù loc.v.
Meti a cuei
esempi
""Servît un fiasc di chel bon in tinel e dopo meteit sù il cafè""
da "Co l'amôr al cimie" di Costantino Smaniotto
"jê si scunfusionà dute par meti sù la mignestre, parcè che no veve plui une idee di fâ di mangjâ"
da "Di là de rêt" di Jolanda Mazzon
meti sù loc.v.
Fâ lâ tun aparât, tun implant, soredut di riproduzion di musiche, video e v.i.
esempi
"al tacà il gramofon e al metè sù il toc plui biel dai Spiders From Mars, "Starman""
da "Sense" di Checo Tam
meti sù loc.v.
Fâ che cdn. al sedi in contrast cun cdn. altri
esempi
""Che nol stedi a lassâsi simpri meti sù di chê femine cuintri di me!""
da "Mariute" di Ercole Carletti
"la Luzie e cirive saldo di meti sù ducj e alçâ mûrs di cjacaris fra lôr e lis fameis. Peçots dome a nivel dai curtîi, va ben, ma cun dut achel a siôr Bertin i jere scomençât il batiment di cûr"
da "Cjase di Dalban" di Maria Forte
meti sù loc.v.
Meti cdn. tun puest di podê
esempi
"["chei de fasse"] no jerin ben viodûts di nissun: ni dai todescs, che no si contentavin mai di nuie, ni dai nestris che a scrupulavin che ju vessin metûts sù i mucs par spionâ in paîs"
da "I piavots, Titon e la spagnole" di Alviero Negro
meti sù loc.v.
Fâ jentrâ in vore
sinonimi
istituî
esempi
"il rît aquileiês lu à butât jù lui [sant Paulin] e al à metût sù il messâl franc"
da "La nestre storie" di Francesc Placerean
proverbi
"cuant che no 'nd è te panarie, dibant meti sù la cjalderie"
"la cjarte si lasse meti sù ce che si vûl"
Torna in Cima