"la froducje e va dentri e i file tra i dêts un vin ros come sanc di jeur. E metin sot un cjadin, e gjavin la froducje, e fûr imburît ad in spissul il vin che al spandeve pe cjanive un odôr di freule di fâ vignî la aghe in bocje"
gjavât fûr di "La fuiace de Madone" di Catarine Percude
meti sotloc.v.
Intune barufe o inte lote, stâ parsore di un altri tignintlu jù par tiere
esemplis
"une volte Firmato al veve metût sot Santin e lu muardeve su la muse, come un cjan, e se lis dôs feminis no fossin corudis, cuissà ce che al podeve sucedi"
gjavât fûr di "Îr e doman" di Gianni Gregoricchio
meti sotloc.v.
In riferiment a animâi, preparâju par tirâ un mieç di traspuart
""Cjo! No soi migo une di chês che e si lassin meti sot facilmentri jo ve!""
gjavât fûr di "Vieri e gnûf" di Pieri Piçul
""E cussì il paron de fabriche us à metûts sot e il segretari politic, nancje dîlu, us mene pal nâs [...]""
gjavât fûr di "Un pugn di moscjis" di Pieri Somede dai Marcs
meti sotloc.v.
Fâ che cdn. al fasi alc cun impegn
esemplis
"parincj e amîs a cirivin di discjolilu, e a vevin metût sot ancje il podestât parcè che lu fasès jentrâ in reson"
gjavât fûr di "Nardon e Vigjute di Nani" di Pieri Somede dai Marcs
"Agnul al jere ancjemò frut cuant che lu àn metût sot a vore par cjase e pai cjamps"
gjavât fûr di "Chei di Muraie" di Pieri Menis
"il prof nus à metût sot a fâ detâts"
gjavât fûr di "Strolic Furlan pal 2014" di Jenny Clozza
meti sotloc.v.
Sepulî, meti te tombe
esemplis
"chel forest lu salude e po i domande [al pizighet] dulà che e jere la sepulture di Ane Tovin. «Ane Tovin? … Ane Tovin? ! … No le ai metude sot jo… e devi jessi un grum di agns che e je muarte… E je sigûr là…»"
gjavât fûr di "Un macet di sanmartinis" di Pieri Menis
"al è stât metût sot cence funerâl e cence crôs"
gjavât fûr di "Faliscjis" di Cristina Noacco
meti sotloc.v.
Tratâ intune cierte maniere, cun cierts procediments o ciertis sostancis
esemplis
"lu àn metût sot medisinis deliriolitichis e a àn aumentât lis dosis di antiepiletics"