SuperDizionari

metisi a puest loc.v.

Meti a puest alc di se stes, par se stes, intor di se stes e v.i.

esemplis

"si metè a puest un çuf sgardufît che i colave sul cerneli"

gjavât fûr di "Eivissa mon amour" di Fabian Ros

"il Poete si met a puest i ocjâi e al fâs di sì cul cjâf"

gjavât fûr di "Une storie piçule" di Davide Ballaminut

metisi a puest loc.v.

Disponisi dulà che si à di stâ

esemplis

"Cjandot e i coriscj si metin a puest sot, a man drete"

gjavât fûr di "La cjase" di Alviero Negro

"i pareve che ogni tessare dal misteri si metès a puest"

gjavât fûr di "Contis sot spirt" di Raffaele Serafini

metisi a puest loc.v.

Tornâ intun bon stât, in buinis cundizions, in ordin, in salût, in stât di funzionâ e v.i.

sinonims

meti in ordin, meti in sest, meti in fîl, sistemâ, comedâ, regolâ

metisi a puest loc.v.

Cjatâ une buine posizion economiche, professionâl, sociâl, sentimentâl e v.i.

sinonims

sistemâsi

esemplis

"al veve tacât cun so pari il discors sul lâ vie di cjase: al veve motivât che in Friûl al varès metût masse agns par metisi a puest"

gjavât fûr di "I prâts des Savodagnis" di Agnul di Spere

metisi a puest loc.v.

Fâ in mût di no vê debits, credits o cuistions impins (ancje fig.)

esemplis

"il plevan i domande ancje alc de ultime volte, i da la assoluzion, ma par altri bisugne riparâ cuntune pinitince e metisi a puest ancje cul Signôr"

gjavât fûr di "La pinitince" di Angelo Covazzi

monolengâl